7 ფუნქციონალი, რომელიც უძრავი ქონების ყიდვა-გაყიდვაში დაგეხმარება - SS.ge-იმ Premium სერვისი შექმნა
ვინც უძრავი ქონების მიმართულებით მუშაობს ან ყიდვა-გაყიდვა/დაქირავება ერთხელ მაინც დასჭირვებია, კარგად იცის, დროის ფაქტორსა და სწორი ინფორმაციის მოპოვებას რამდენად დიდი მნიშვნელობა აქვს. სწორედ უძრავი ქონების ძიებასთან დაკავშირებული პროცესების გამარტივების მიზნით, SS.ge ახალ სერვისს - Premium-ს გთავაზობთ, რომელიც მომხმარებელთა საჭიროებებზე მაქსიმალურად მორგებულია. კერძოდ, SS.ge-ის განახლება Premium სერვისის სახით 7 ახალ ფუნქციონალს მოიცავს, რომლებიც უძრავი ქონების მოძიების, ფასის გამოთვლის, ბაზრის კონტროლისა და სხვა საჭირო მიმართულებებით ეფექტურად და სწრაფად მუშაობს. აი, ზუსტად რა უპირატესობებით ისარგებლებ Premium სერვისის შეძენისას:
ანალიტიკა
ფასის ანალიტიკის საშუალებით შეგიძლია, მარტივად გაიგო დროის კონკრეტულ მონაკვეთში როგორ იცვლებოდა უძრავი ქონების კვადრატული მეტრის ფასი, სასურველ უბანში.
2. ფასის კალკულატორი
თუ ფასის კალკულატორში ზუსტად მიუთითებ უძრავი ქონების ადგილმდებარეობას, სტატუსს, ფართსა და რემონტის მდგომარეობას
ფუნქციონალი ფასს მაშინვე დაგითვლის. ასე შეგიძლია გაიგო როგორც შენი ბინის, ისე იმ უძრავის ქონების ღირებულება, რომლის ყიდვა ან დაქირავება გინდა.
3. წვდომა განცხადებების ისტორიაზე
გარკვეული პერიოდის შემდეგ უძრავი ქონების შესახებ განცხადებებს ვადა გასდის და ვებგვერდზე აღარ ჩანს, თუმცა Premium სერვისის დახმარებით შეგიძლია, წვდომა გქონდეს მსგავსს განცხადებებზეც და გაიგო რა ფასად იყიდებოდა, შენთვის საინტერესო უბანში და დროის მონაკვეთში, უძრავი ქონება.
4. დუბლირებული განცხადებების დაჯგუფება
როცა უძრავ ქონებას ეძებ, ერთი და იგივე განცხადება ბევრჯერ შეიძლება შეგხვდეს, რაც დისკომფორტს ქმნის. Premium სერვისის შეძენის შემდეგ დუბლირებული განცხადებები ერთ ფანჯარაში გამოჩნდება, თვალს მარტივად გადაავლებ და შენთვის სასურველ განცხადებასაც უფრო მალე იპოვი.
5. სურათით ძებნა
თუ სასურველი სახლის მხოლოდ ფოტო გაქვს და გინდა ზუსტად ის ან მსგავსი უძრავი ქონება მოძებნო, ამაში სურათით ძებნის ფუნქციონალი დაგეხმარება.
6.TOP შეთავაზების პოვნა
ზოგჯერ უძრავი ქონება მის რეალურ ღირებულებაზე ნაკლებად არის შეფასებული, ასეთი განცხადებები კი ვებგვერდზე TOP შეთავაზების კატეგორიაში ხვდება. Premium სერვისი გთავაზობს ფილტრს, რომლის დახმარებითაც მარტივად ნახავ ყველა განცხადებას საუკეთესო ფასით.
7. რეკლამის მართვა
სერვისის შეძენის შემდეგ შეგიძლია, სურვილის შემთხვევაში, გათიშო ან ჩართო სარეკლამო ბანერები ვებგვერდზე.
ყველა ამ უპირატესობას, რომელიც დროისა თუ რესურსების დაზოგვაში დაგეხმარება და უძრავი ქონების ყიდვა-გაყიდვის პროცესს გაგიმარტივებს, Premium სერვისი ერთ სივრცეში გთავაზობს. Premium სერვისის შეძენას შეძლებ ვებგვერდიდან როგორც ბარათით ან ბალანსით ისე Apple Pay-ს მეშვეობით. Premium სერვისი შეგიძლია გააქტიურო ერთი დღით, ერთი კვირით ან ყოველთვიური გამოწერით.
(R)