"თუ ყოვლისშემძლე უფალი ჩამოვა და იტყვის: “ჯო, გამოდი რბოლიდან“ - მე რბოლიდან გამოვიდოდი - ყოვლისშემძლე უფალი არ ჩამოდის"
ჯო ბაიდენის განცხადებით, საპრეზიდენტო რბოლიდან გასვლას არ აპირებს.
აშშ-ის პრეზიდენტმა, ჯო ბაიდენმა დონალდ ტრამპთან დებატების შემდეგ პირველი სატელევიზიო ინტერვიუ ABC News-ს მისცა.
„თუ ყოვლისშემძლე უფალი ჩამოვა და იტყვის: „ჯო, გამოდი რბოლიდან“. მე რბოლიდან გამოვიდოდი. ყოვლისშემძლე უფალი არ ჩამოდის“, - განაცხადა ჯო ბაიდენმა.
მისივე თქმით, სჯერა, რომ მომდევნო ოთხი წლის განმავლობაში პრეზიდენტის მოვალეობების შესასრულებლად საჭირო გონებრივი და ფიზიკური შესაძლებლობები აქვს და ასე რომ არ ფიქრობდეს არჩევნებში მონაწილეობას არ მიიღებდა.