რუსეთში ორი ქალი სპექტაკლში მონაწილეობის გამო გაასამართლეს - სკანდალური საქმის დეტალები
მოსკოვის დასავლეთ ოლქის სამხედრო სასამართლოს მოსამართლემ იური მასინმა ევგენია ბერკოვიჩს და სვეტლანა პეტრიჩუკს ტერორიზმის გამართლების საქმეზე ექვსი წლით თავისუფლების აღკვეთა მიუსაჯა.დაკავებულმა ქალებმა განაჩენის გამოტანამდე ერთი წელი გაატარეს წინასწარი დაკავების იზოლატორში.
სპექტაკლი "Finist Yasny Sokol" მოგვითხრობს გოგონების შესახებ, რომლებსაც ინტერნეტ მიმოწერით შეუყვარდებათ ISIS-ის წევრები. სპექტაკლის შინაარსში პროკურორებმა ტერორიზმისა და რადიკალური ფემინიზმის გამართლება დაინახეს, მიუხედავად იმისა, რომ რეჟისორი და დრამატურგი ამტკიცებდნენ, რომ სპექტაკლი, პირიქით, აფრთხილებდა ქალებს მსგავსი საშიშროების შესახებ, თუმცა სასამართლომ მათი არგუმენტები არ გაითვალისწინა.პატიმრობის გარდა, დაკავებულებს სამი წლით აეკრძალათ "ელექტრონული და საინფორმაციო და სატელეკომუნიკაციო ქსელების, ვებსაიტების ადმინისტრირებასთან დაკავშირებული საქმიანობა, მათ შორის ინტერნეტის გამოყენება“.
დაცვის მხარე განაჩენის გასაჩივრებას აპირებს, თუმცა ადვოკატი ამბობს, რომ ძალიან მცირეა იმედი, რომ გადაწყვეტილება შეიცვლება.
რაში დაადანაშაულეს რეჟისორი და დრამატურგი?
სპექტაკლმა, რომლის გამოც, ორი ქალი ციხეში წავიდა, 2022 წელს ჯილდო „ოქროს ნიღაბი“ მიიღო. გამარჯვებული გახდა თავად პიესის ავტორი სვეტლანა პეტრიჩუკიც.
თუმცა, სპექტაკლის წინააღმდეგ "დანოსი" დაიწერა. ინფორმატორის სახელი საზოგადოებისთვის უცნობია, მაგრამ მიუხედავად ამისა, ის სასამართლოში საიდუმლო მოწმის სტატუსით მივიდა და ჩვენება მისცა. გააგრძელეთ კითხვა