"ორი დღის წინ მოახერხეს დაკავშირება და მესიჯის გამოგზავნა, რომ დაიკარგნენ ტყეში" - რას წერს სვანეთში დაკარგულ ახალგაზრდებზე ახლობელი?
მესტიისა და ლენტეხის ტერიტორიაზე, ორი მოქალაქეს ეძებენ.
"გამარჯობა მეგობრებო, 2700 მეგობარი მყავს აქ და ყველას დახმარება მჭირდება. სასწრაფოდ გთხოვთ, თუნდაც უბრალოდ გაკითხვით, ინფორმაციის გადაცემით, მჭირდება ადამიანები, დრონებით მოხალისე, თუ დაქირავებული, იქნებ ვინმეს სითბური დრონი გქონდეთ, ან იცოდეთ რომ აქვს და სამძებრო სამუშაოებში ჩაერთოთ სანამ იმედი კიდევ არი ... 5 დღეა დაიკარგნენ ტყეში ჩემი ახლობლები, ორი დღის წინ მოახერხეს დაკავშირება და მესიჯის გამოგზავნა, რომ დაიკარგნენ ტყეში. გადადიოდნენ ლენტეხში ზემო სვანეთიდან, ანუ ბოლო კონტაქტიდან ორი დღეა გასული და არის იმედი, რომ ცოცხლები არიან და დახმარება სჭირდებათ . თუ ვინმეს შეგიძლიათ დახმარება, ძალიან გთხოვთ დაგვეხმარეთ ძებნაში" - წერს დათო ფარჯიანი სოციალურ ქსელში.
ცნობისთვის, მესტიისა და ლენტეხის ტერიტორიაზე, ორი მოქალაქის ძებნა-შველის ოპერაცია მიმდინარეობს.
ინფორმციას შსს-ს საგანგებო სიტუაციების მართვის სამსახური ავრცელებს.
უწყების თანახმად, ძებნა-შველის ოპერაციაში განსაკუთრებულ სიტუაციებზე რეაგირების, თბილისის, იმერეთისა და მესტიის სამთო სამაშველო ძალები და სამაშველო დრონები არიან ჩართულები.
სამაშველო ოპერაციაში სასაზღვრო პოლიციის ვერტმფრენის ჩართვა კი მეტეოროლოგიური პირობების გამო, ამ ეტაპზე ვერ ხერხდება."შინაგან საქმეთა სამინისტროს საგანგებოს სიტუაციების მართვის სამსახურის სახანძრო-სამაშველო ძალების თანამშრომლები, მეორე დღეა მესტიისა და ლენტეხის ტერიტორიაზე, ორი დაკარგული მოქალაქის ძებნა-შველის ოპერაციას ინტენსიურ რეჟიმში ახორციელებენ.