ცხინვალში რუსი სამხედრო გარდაცვლილი იპოვეს - მას რამდენიმე დღის განმავლობაში ეძებდნენ
ოკუპირებული ცხინვალის რეგიონის შანხაის რაიონში რუსული სამხედრო ბაზის 43 წლის სამხედრო მოსამსახურე გარდაცვლილი იპოვეს.
მედიის ინფორმაციით, 43 წლის სამხედრო მოსამსახურე რამდენიმე დღის წინ გაუჩინარდა.
გავრცელებული ინფორმაციით, შემთხვევის ადგილზე წინასწარი დათვალიერებით ძალადობის კვალი არ გამოვლენილა, თუმცა გარდაცვალების ზუსტი მიზეზი ექსპერტიზის შემდეგ დადგინდება.
"ინტერპრესნიუსი"