SOS! არ მოტყუვდეთ! ვრცელდება ცრუ ინფორმაცია, თითქოს მომღერალი სტინგი საქართველოში ჩამოდის! არ იყიდოთ ფეიკ ბილეთები! - კვირის პალიტრა

ვრცელდება ცრუ ინფორმაცია, თითქოს მომღერალი სტინგი საქართველოში ჩამოდის.

ერთ-ერთი ყალბი გვერდი, სახელწოდებით BSAFest, წერს, რომ თითქოს 14 სექტემბერს, მიხეილ მესხის სტადიონზე სტინგის გრანდიოზული კონცერტია დაგეგმილი და ბილეთების გაყიდვას აანონსებს.

პოსტიდან გადადიხართ ასევე ყალბ საიტზე, სადაც ავსებთ თქვენს მონაცემებს - სახელი, გვარი, ტელეფონის ნომერი, საბანკო ბარათის ნომერი, ვადა და ა.შ.

და "ყიდულობთ" ფეიკ ბილეთს, რომელიც სრულებით არ ჰგავს ონლაინ შეძენილ ბილეთებს და აბსოლუტურად გამოუსადეგარია. ბილეთების საფასური 100, 150 ან 200 ლარი კი ანგარიშიდან გეჭრებათ და ცხადია, გეკარგებათ.

ინფორმაცია ერთ-ერთმა დაზარალებულმა პირმა მოგვაწოდა, რომელმაც ამავე საიტიდან შეიძინა ე.წ. ბილეთი, ოღონდ მაშინ კონცერტის თარიღად 25 აგვისტო იყო დასახელებული.

მოქალაქეს ანგარიშიდან 100 ლარი ჩამოეჭრა, საეჭვო ბილეთის ნახვის შემდეგ კი, მათ ფეიჯზე შესული, გვიან მიხვდა, რომ საქმე ჰქონდა ჩვეულებრივ თაღლითობასთან! ცოტა ხანში, საიტი გათიშეს, თუმცა დღეს ისევ გაააქტიურეს და დასპონსორებული გავიდა "ფეისბუქზე".

გაფრთხილდით, ყველანაირი ბილეთი მხოლოდ ოფიციალური საიტებიდან შეიძინეთ და სანამ ყიდვას დააპირებთ, მათი ფეისბუქგვერდების ოფიციალურობაშიც დარწმუნდით!