"ღმერთი შენთან არის და ჩვენ ყველა შენს გვერდით ვართ" - როგორ ამხნევებს ხვიჩა კვარაცხელია დათი ქოქრაშვილს ოპერაციის წინ?
თბილისში, შარტავას ქუჩაზე ავტოსაგზაო შემთხვევის შედეგად დაშავებული დათი ქოქრაშვილის შესახებ ვიდეოებს სოციალურ ქსელში დათის მშობლები აზიარებენ. ინსტაგრამზე გავრცელებულ ვიდეოში ქართველი ფეხბურთელი ხვიჩა კვარაცხელია პატარა დათის ამხნევებს.
"დათუნა, ჩემო პატარა მეგობარო, გავიგე რომ ოპერაციას იკეთებ და მინდა შეგახსენო, რომ შენ ძალიან ძლიერი ბიჭი ხარ, გახსოვდეს! ყველამ კარგად იცის ეს. ყველაფერი კარგად იქნება, ღმერთი შენთან არის და ჩვენ ყველა შენს გვერდით ვართ. ყველაფერი კარგად დასრულდება და ყველაფერი კარგად ჩაივლის" - ამბობს "კვარა".