“არასრულწლოვანთა პორნოგრაფია, ნარკოტრაფიკი და სხვა“ - მძიმე ბრალდებები "ტელეგრამის" დამფუძნებლის წინააღმდეგ: პარიზის პროკურატურის განცხადება და მაკრონის კომენტარი
საფრანგეთის დედაქალაქის პროკურატურამ “ტელეგრამის“ დამფუძნებლის, პაველ დუროვის დაკავების მიზეზები განმარტა და ოფიციალური განცხადება გაავრცელა, რომელშიც აღნიშნულია, რომ მილიარდერი “კიბერდანაშაულზე მიმდინარე გამოძიების ფარგლებში დააკავეს“.
უწყების ცნობით, ის ეჭვმიტანილია ორგანიზებული ჯგუფების კრიმინალური საქმიანობის ხელშეწყობაში, ხელისუფლებისთვის ინფორმაციის გადაცემაზე უარის თქმაში და ბავშვთა პორნოგრაფიასთან, ნარკოტრაფიკთან, თაღლითობასა და ფულის გათეთრებასთან დაკავშირებულ დანაშაულებში თანამონაწილეობაში.
ამ საქმეზე ამჟამად 12 სავარაუდო დანაშაულის გამოძიება მიმდინარეობს. დუროვის სასამართლო პროცესი საფრანგეთში 8 ივლისს დაიწყო. პარიზის პროკურატურის პრესრელიზში აღნიშნულია, რომ დაკავების ვადა, შეიძლება, 96 საათამდე, ანუ 28 აგვისტომდე გაგრძელდეს.
საქმეს კიბერდანაშაულის ცენტრისა და თაღლითობის საწინააღმდეგო ეროვნული სამსახური იძიებს. თუ მას ბრალს არ წაუყენებენ, დუროვის პატიმრობის ვადა, რომელიც უკვე ერთხელ გაგრძელდა, 28 აგვისტოს ეწურება.
“პატიმრობის ვადა მოსამართლემ 2024 წლის 25 აგვისტოს გაახანგრძლივა და შეიძლება გაგრძელდეს 96 საათამდე (ანუ 2024 წლის 28 აგვისტომდე), იმ პროცედურის გათვალისწინებით, რომელიც ვრცელდება ორგანიზებულ დანაშაულთან დაკავშირებულ დანაშაულებებზე,“ -აღნიშნავს პროკურატურა.
39 წლის Telegram-ის დამფუძნებელს სხვა ეპიზოდებთან ერთად “პლატფორმის კრიმინალური მიზნებისთვის გამოყენების შესაჩერებლად, ზომების მიუღებლობასაც“ ედავებიან.
საფრანგეთის სამართალდამცავმა უწყებებმა გამოაქვეყნეს ბრალდებების სრული სია, რომლის საქმეზეც დუროვი დააკავეს და დაკითხეს. მასში რვა პუნქტია:
თანამონაწილეობა - ონლაინ პლატფორმის ოპერირება უკანონო გარიგების გასაადვილებლად