„მწარე და შემაშფოთებელია“ - ოლაფ შოლცი გერმანიაში ჩატარებული არჩევნების შედეგებზე - კვირის პალიტრა

გერმანიის კანცლერი, ოლაფ შოლცი ქვეყნის პოლიტიკურ პარტიებს მოუწოდებს, გამორიცხონ მემარჯვენე ექსტრემისტები, მას შემდეგ რაც გერმანიის თიურინგიის მხარეში ჩატარებული კენჭისყრის წინასწარმა შედეგებმა აჩვენა, რომ არჩევნებში ულტრამემარჯვენე პარტია „ალტერნატივა გერმანიისთვის“ 32.8%-ით ლიდერობს, საქსონიაში კი პარტია, ხმების 30.6%-ით, მეორე ადგილს იკავებს.

შოლცმა კენჭისყრის შედეგებს მწარე და შემაშფოთებელი უწოდა.

„ჩვენი ქვეყანა ამას ვერ და არც უნდა შეეგუოს. „ალტერნატივა გერმანიისთვის“ ზიანს აყენებს გერმანიას. ის ასუსტებს ეკონომიკას, ყოფს საზოგადოებას და ანგრევს ჩვენი ქვეყნის რეპუტაციას“, - აღნიშნა შოლცმა და დასძინა, რომ ყველაზე საშინელი პროგნოზები, რომ მისი მემარცხენე-ცენტრისტული „სოციალ-დემოკრატები“, შესაძლოა, პირველად დარჩენილიყვნენ ადგილობრივი პარლამენტს მიღმა, არ განხორციელდა.

შოლცისგან განსხვავებით, არჩევნების შედეგებს მიესალმება პარტია „ალტერნატივა გერმანიისთვის“ ერთ-ერთი ლიდერი, ალისა ვაიდელი.

„ეს ჩვენთვის ისტორიული წარმატებაა. ჩვენ პირველად გავხდით ყველაზე ძლიერი ძალა მხარის არჩევნებში“, - აღნიშნა ალისა ვაიდელმა.

"ინტერპრესნიუსი"