მერაბ დვალიშვილი UFC-ის ჩემპიონია! - კვირის პალიტრა

ეკა გადახაბაძე

ქართველი სპორტსმენი მერაბ დვალიშვილი UFC-ის ჩემპიონია!

"სამშობლო როგორც უფალი, ერთია ქვეყანაზედა" - სწორედ ამ ემოციური სიტყვებით დაიწყო ქართველი სპორტსმენის მერაბ დვალიშვილის ბრძოლა.

დვა­ლიშ­ვილ­სა და შონ ომა­ლის შორის შეხვედრას ყველაზე განსაკუთრებულად ალბათ, დვალიშვილის ქართველი გულშემატკივარი ელოდებოდა. ქამ­რის­თვის ის UFC-ის ჩემ­პი­ონს, შონ ო'მა­ლის და­უ­პი­რის­პირ­და.

33 წლის დვა­ლიშ­ვი­ლი ქამ­რის­თვის ბრძო­ლამ­დე 10-მატ­ჩი­ა­ნი მო­გე­ბა­თა სე­რი­ით მი­ვი­და. მან UFC-ის სამი ყო­ფი­ლი ჩემ­პი­ო­ნი – ჟოზე ალდო, პი­ტერ იანი და ჰენ­რი სე­ხუ­დო და­ა­მარ­ცხა.

უცხოურ მედიაში და სოციალურ ქსელში აქტიურად განიხილავდნენ ბრძოლის სავარაუდო შედეგებს. ერთმანეთს სპორტსმენებიც დაუპირისპირდნენ.

"ის ჩემ­თვის უბ­რა­ლოდ მო­რი­გი ოპო­ნენ­ტია. ამ ბრძო­ლას ნო­კა­უ­ტით და­ვას­რუ­ლებ და "შუგა შო­უს­თვის" ეს კი­დევ ერთი და­სა­მახ­სოვ­რე­ბე­ლი მო­მენ­ტი იქ­ნე­ბა. მე­რა­ბის გამო თავს ცუ­დად ვგრძნობ, რად­გან ასე ახ­ლოს ქა­მარ­თან არას­დროს ყო­ფი­ლა და ახლა ჩემს გამო ვერ აი­ღებს. ოქ­ტა­გონ­ზე მე­რაბს სუ­ლე­ლად წარ­მო­ვა­ჩენ. ისე ვცემ, რომ ყვე­ლას დამ­წყე­ბი ეგო­ნოს. ამის შემ­დეგ არც კი ვიცი UFC-ში რამ­დე­ნი ხანი იქ­ნე­ბა", - ამ­ბობდა შონ ო'მალი ბრძოლამდე.

ყველაზე დიდი უარყოფითი დამოკიდებულება კი საზოგადოებაში ო'მალის პოსტმა გამოიწვია:

"ილია, მე­რაბ, სა­ქარ­თვე­ლო­ში ყვე­ლა­ნი უსუ­სუ­რე­ბი ხართ?" - წერ­და ო'მალი. მის ამ პოსტს მე­რაბ­მაც უპა­სუ­ხა.

"ჩემი შე­უ­რა­ცხყო­ფა ერ­თია - ჩვენ პრო­ფე­სი­ო­ნა­ლე­ბი ვართ, ყვე­ლა­ფერს ოქ­ტა­გონ­ზე გა­დავ­წყვეტთ. მაგ­რამ, შენ უკვე ზღვა­რი გა­დაკ­ვე­თე. ჩემი ქვეყ­ნის შე­უ­რა­ცხყო­ფის­თვის პა­სუხს აგებ", - აღ­ნიშ­ნა მე­რაბ­მა.

საბოლოოდ კი UFC-ის სუ­პერმ­სუ­ბუ­ქი წო­ნის ჩემ­პი­ო­ნი, შონ ო'მალი ქართელმა მებრძოლმა დაამარცხა და ის UFC-ის საჩემპიონო ქამრის მფლობელია.