"მიხაილ როთი არის ოფიციალურად გათხოვილი კაცი, რომელიც ოპოზიციას სათავეში უდგას ლგბტ დროშით"
მიხაილ როთი არის ოფიციალურად გათხოვილი კაცი, რომელიც ოპოზიციას სათავეში უდგას ლგბტ დროშით, - ამის შესახებ „ხალხის ძალის” დეპუტატმა, გურამ მაჭარაშვილმა ჟურნალისტებთან გერმანელი პოლიტიკოსის, მიხაილ როთის საქართველოში ვიზიტის შეფასებისას განაცხადა.
მისი თქმით, რაც მეტად ჩამოვა როთი საქართველოში და ქართველ ხალხს მეტად შეახსენებს თავს, მით უფრო გაიზრდება „ქართული ოცნების“ რეიტინგი.
როგორც მაჭარაშვილმა აღნიშნა, „მიხაილ როთი სხვა სამყაროს წევრია და შესაბამისად, ვერც ის და ვერც მისი მიმდევრები შეურაცხყოფას ვერ მიაყენებენ ქართულ ეკლესიას“.
„რა თქმა უნდა, შეხვედრაზე საუბარი არ არის, როდესაც ასეთ რამეს ბედავს ოფიციალური პირი და სამწუხაროდ, მაღალი თანამდებობის მქონე პირი. გერმანიის საგარეო უწყების ხელმძღვანელი საკანონმდებლო ორგანოდან რომ შეურაცხყოფას აყენებს ქართულ საზოგადოებას, ქართულ ეკლესიას, საქართველოს ხელისუფლებას, რომელიც უმრავლესობამ აირჩია, რა შეხვედრაზეა საუბარი? საუბარი იმაზეა, რომ რაც მეტად ჩამოვა როთი საქართველოში და ქართველ ხალხს მეტად შეახსენებს თავს, მით უფრო გაიზრდება ჩვენი რეიტინგი. ეს არის მოცემულობა, იმიტომ, რომ ქართული იდენტობა დაფუძნებულია ქრისტიანობაზე, მართლმადიდებლობაზე, ტრადიციებზე, ისევე როგორც ევროპული ღირებულება და კულტურაა დაფუძნებული ქრისტიანულ კულტურაზე. ამით ვართ ჩვენ ევროპულ კულტურასთან და ღირებულებებთან თანხვედრაში. მიხაილ როთი სხვა სამყაროს წევრია და შესაბამისად, ვერც ის და ვერც მისი მიმდევრები შეურაცხყოფას ვერ მიაყენებენ ქართულ ეკლესიას. როთი ადასტურებს იმას, რასაც ჩვენ ვამბობთ, რომ ოპოზიცია ეთანხმება მიხაელ როთის, რომელიც არის ლგბტ დროშით და ჩვენ ვამბობთ, რომ ვართ ეროვნული დროშით ხელში წინასაარჩევნო კამპანიის დროს. ხომ ვამბობდით, რომ ასე იქნებოდა? - ოპოზიცია იქნებოდა მიხეილ როთთან ერთად ლგბტ დროშით და ჩვენ ვიქნებოდით ეროვნული დროშით. ასეც მიდის წინასაარჩევნო კამპანია“, - განაცხადა მაჭარაშვილმა.
ამავე თემაზე საუბრისას მაჭარაშვილმა აღნიშნა, რომ “რადიკალური ოპოზიცია” მხარს უჭერს საქართველოს “გაელგებეტებას” ლგბტ დროშით და “ქართულ ოცნებას” ეროვნული დროშით სურს ტრადიციების დაცვა.
„მიხაილ როთი არის ოფიციალურად გათხოვილი კაცი, რომელიც ოპოზიციას სათავეში უდგას ლგბტ დროშით. ამას ვამბობდით ზუსტად ჩვენ, რომ რადიკალური ოპოზიცია მხარს უჭერს საქართველოს “გაელგებეტებას” ლგბტ დროშით და ჩვენ გვინდა ტრადიციების დაცვა ეროვნული დროშით. 26 ოქტომბერს ხალხი მიიღებს გადაწყვეტილებას“, - აღნიშნა გურამ მაჭარაშვილმა.
ცნობისთვის, გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი საქართველოშია. მან რამდენიმე დღის წინ გაავრცელა ინფორმაცია, რომ 16-18 სექტემბერს საქართველოსა და სომხეთს ეწვეოდა.
IPN