სათვალთვალო კამერით დაფიქსირებული ძლიერი მიწისძვრა თურქეთში
აღმოსავლეთ თურქეთში 5.9 მაგნიტუდის სიმძლავრის მიწისძვრა მოხდა, - ამის შესახებ ინფორმაციას სააგენტო Reuters-ი თურქეთის საგანგებო სიტუაციების მართვის სამსახურზე დაყრდნობით ავრცელებს.
თურქეთის საგანგებო სიტუაციების მართვის სამსახურის ცნობით, მიწისძვრა დილით 10:46 საათზე მოხდა და მისი ეპიცენტრი ქალაქ მალათიიდან 40 კილომეტრში მდებარე კალეს რაიონი იყო.
ამასთან, სირიის სახელმწიფო მედიის ცნობით, მიწისძვრის ბიძგები ჰასაქის, დეირ-ელ-ზორისა და ალეპოს პროვინციებშიც იგრძნობოდა.
უცხოურ მედიაში გავრცელდა ვიდეო, რომელშიც ძლიერი მიწისძვრაა ასახული.