"ეს პიროვნება არის ჩვენი ქვეყნის, სპორტისა და კაცობის სირცხვილი…" - როგორ ეხმაურება მერაბ დვალიშვილი ავთანდილ ხურციძის ვიდეოს?
UFC-ის ქართველი ჩემპიონი მერაბ დვალიშვილი სიციალურ ქსელში მოკრივე ავთანდილ ხურციძის ვიდეოს გამოეხმაურა, რომელიც რამდენიმე დღის წინ გამოქვეყნდა.
"მეგობრებო, რასაც ავთანდილ ხურციძე კადრულობს ტიკ ტოკ ვიდეო მიმართვებით ჩემს წინააღმდეგ, ეს ყველაფერი მეტყველებს იმაზე, რომ ეს ადამიანი არ არის სრულ ჭკუაზე. ეს პიროვნება არის ჩვენი ქვეყნის, სპორტისა და კაცობის სირცხვილი… ადამიანი, რომელიც მსგავს რამეს იკადრებს , კარგად იცით რისი ღირსია და რასაც იმსახურებს!
მოვუწოდებ მისი ოჯახის წევრებს, ახლობლებს და მეგობრებს, მიაქციონ ყურადღება, უმკურნალონ და დაეხმარონ ამ ადამიანს.! მას სჭირდება სერიოზული დახმარება.
მე არ მინდა ის პირადად ვნახო და ფიზიკურად გავუსწორდე, მით უმეტეს სამართლებრივად მივხედო ამ საქმეს, ცილისწამებისთვის, ჩემი ღირსების და რეპუტაციის შელახვისთვის. ეს არ ჯდება ჩემი ცხოვრების წესში.
მე მეცოდება მისი პატარა შვილი და მშობლები, რომლებსაც პირადად ვიცნობ…", - წერს მერაბ დვალიშვილი.
სავარაუდოდ, მერაბ დვალიშვილი გულისხმობს ვიდეოს, რომელიც ავთანდილ ხურციძემ რამდენიმე დღის წინ გაავრცელა. ხურციძე აღნიშნავს, რომ მერაბ დვალიშვილთან ბრძოლა სურს
"ტელევიზია რომაა საქართველოში, მოჩხუბარი პარტნიორი რომ ჰყავთ, მოდი, თქვენ პარტნიორს ვეჩხუბები, "ვებოქსავები" ოღონდ, ისე არა. "ვებოქსავები", გამოიყვანეთ თქვენი დვალიშვილი და "ვებოქსავები", ბებერი ავთანდილა ხურციძე და დავცხოთ. მაგრამ ეს დღეს და ხვალ კი არ მოხდება. ამას დრო დასჭირდება, ერთი წელი მაინც. ამ ერთ წელიწადში კიდევ რაღაცებს გავაკეთებ და სარეიტინგო ბრძოლას....
არც მაგის ქამარი მინდა და არაფერი, ერთ ათ რაუნდიან ბრძოლაში ვეჩხუბები, თუ გინდა, 12 იყოს. კი არ მივა მანამდე ჩხუბი, მანამდე მოვტეხავ მაგას კისერს. გავთიშავ, ოღონდ კრივში, გპირდებით, რომ გავთიშავ და ქართველ გულშემატკივრებს ექნებათ საყურებელი.
კი, მართალია ჩემს ჩხუბს არ აჩვენებენ საქართველოში, მაგრამ მერაბს ხომ აჩვენებენ საქართველოში და გამოვჩნდები მეც", - ამბობს ხურციძე. იხილეთ ვიდეო