პარლამენტთან ვითარება კვლავ დაძაბულია - აქციის მონაწილეები რკინის ჯებირებზე ხელებს აბრახუნებენ
აქციის მონაწილეები ახალი პარლამენტის მიერ მუშაობის დაწყებას საკანონმდებლო ორგანოსთან აღმართულ რკინის ჯებირებზე ხელების ბრახუნით აპროტესტებენ, რის გამოც ადგილზე ხმაურია.
მომიტინგეები პროტესტს ამ ფორმით უკვე რამდენიმე წუთია უწყვეტად გამოხატავენ.
პარალელურად, პარლამენტში მე-11 მოწვევის პირველი სხდომა მიმდინარეობს, სადაც ამ წუთებში პარლამენტის თავმჯდომარეს ირჩევენ.
აქციის მონაწილეები სკანდირებენ- „მონებო“, „საქართველოს გაუმარჯოს“.
ინფორმაციისთვის, 12:00 საათზე პარლამენტის მე-11 მოწვევის პირველი სხდომა დაიწყო.
ოპოზიციური პარტიები და აქციის მონაწილეები ახალ პარლამენტს არალეგიტიმურად მიიჩნევენ, რის გასაპროტესტებლადაც საკანონმდებლო ორგანოსთან წუხელ შეიკრიბნენ და ღამე პარლამენტთან გაათენეს.
"ინტერპრესნიუსი"