პარლამენტთან, ჭიჭინაძის ქუჩაზე აქციის მონაწილეების წინააღმდეგ კვლავ წყლის ჭავლს იყენებენ - სპეცრაზმი ტერიტორიის მომიტინგეებისგან გასუფთავებას ცდილობს
პარლამენტის მიმდებარედ, ჭიჭინაძის ქუჩაზე სამართალდამცველებმა აქციის მონაწილეების წინააღმდეგ, წყლის ჭავლი კვლავ გამოიყენეს.
ასევე, ისმის გაფრთხილება და აქციის მონაწილეებს დაშლისკენ მოუწოდებენ.
პოლიციის ამ ქმედების მიუხედავად, შეკრებილები არ იშლებიან. ისინი პროტესტს შეძახილებით გამოხატავენ. ასევე, პოლიციის მისამართით ისვრიან პიროტექნიკას.
ცნობისთვის, მანამდე პოლიციამ წყლის ჭავლი პარლამენტის წინა ტერიტორიაზეც გამოიყენა.