"ჩემი ძმა კონტაქტზე რომ აღარ გამოვიდა, წავედი გუდაურში... იქ უკვე პოლიცია მუშაობდა" - რას ჰყვება დაღუპულის ძმა - გუდაურის ტრაგედიის დეტალები
უმძიმესი ტრაგედია დატრიალდა გუდაურში პოლიციამ 12 ადამიანის ცხედარი ნაქირავებ ბინაში აღმოაჩინა. გარდაცვლილი ქართველი 25 წლის ახალგაზრდა ქალია, რომელიც მიმტანად მუშაობდა.
გარდაცვლილებიდან 11 - უცხო ქვეყნის, ინდოეთის მოქალაქეა.როგორც ირკვევა, ინდოეთის მოქალაქეს ახალი გუდაურის ასასვლელთან მარსაგიშვილების კერძო სახლი ჰქონდა ნაქირავები, სადაც პირველ სართულზე იყო ინდური რესტორანი "ჰაველი", მეორე სართულზე კი - რესტორნის თანამშრომლების მოსასვენებელი ოთახები, სადაც ღამით ეძინათ. სწორედ მეორე სართულზე დატრიალდა ეს ტრაგედია.ცხედრები ტაქსის მძღოლმა იპოვა, რომელიც ობიექტს საყოფაცხოვრებო ნივთებით ამარაგებდა. გარდაცვლილებს ძალადობის კვალი არ აღენიშნებათ. წინასწარი ინფორმაციით, 12 ადამიანი გენერატორის გამონაბოლქვით გაიგუდა.
ირკვევა, რომ გუდაურში ინდოეთის 11-მა მოქალაქემ საცხოვრებელი ფართი 2 წლის წინ იქირავა და იქ საკვებ ობიექტს ამუშავებდნენ. მათ ადგილობრივები კარგად იცნობდნენ. გარდაცვლილთა ასაკი 25 წლიდან 40-წლამდე მერყეობს. მათგან 8 მამაკაცი და 4 ქალია. გარდაცვლილთა შორისაა რესტორნის მოქალაქე, რომელიც ინდოეთის მოქალაქეა.
"დღეში რამდენჯერმე მიკავშირდებოდა, თუმცა ბოლო რამდენიმე საათი კონტაქტზე აღარ გამოვიდა, ამიტომ წავედი გუდაურში. როცა ჩავედი იქ უკვე პოლიცია დამხვდა, შიგნით არ შემიშვეს, თუმცა მითხრეს, რომ 12 ადამიანია გარდაცვლილი" - ამბობს გარდაცვლილის ძმა "კურიერი PS"-თან საუბრისას.
გარდაცვლილებს შორის არის საქართველოს მოქალაქე 25 წლის გურანდა ჩხაიძე.
გააგრძელეთ კითხვა - "გარდაიცვალა 25 წლის ქართველი გოგონა, რომელიც მიმტანად მუშაობდა. ორი ახალგაზრდა კართან იპოვეს" - გუდაურში მომხდარი ტრაგედიის ახალი დეტალები