"პანჩურის გამო შარვალი თუ გაგერღვა,”იზვინი ბრატ” - რატომ მოხდა აბუ-დაბიში ირაკლი ზარქუასა და მოქალაქეს შორის დაპირისპირება, რას ამბობს უმრავლესობის წევრი?
საპარლამენტო უმრავლესობის წევრი, ირაკლი ზარქუა სოციალურ ქსელში წერს და აბუ-დაბიში მომხდარ ფაქტს ეხმაურება. კერძოდ, სოციალურ ქსელში გავრცელდა კადრები, სადაც ჩანს მოქალაქესა და მას შორის სიტყვიერი დაპირისპირება, რასაც ზარქუა „პროვოკატორების მიერ დადგმულ სპექტაკლს” უწოდებს.
„თუ ასე განიცდიან მიტინგის ამბებს და დაპატიმრებულ მეგობრებს“, მაშინ დასასვენებლად რა უნდათ.
„რადგან ასეთი რეაქცია მოყვა, ამიტომ თავს ვთვლი [ვალდებულად] ჩემს ახლობლებს მოვუყვე პროვოკატორების მიერ დადგმული სპექტაკლი.. მოკლედ, მეგობრებთან ერთად ვარ საემიროებში .. მორიგი გადედლებული პროვოკატორი აქტივისტი გადაგვეყარა აქ, უფრო სწორედ, “გაიჩალიჩა” , ასე უფრო მართებული იქნება, ამის თქმა. თავს დაგვადგა საუზმის დროს, მობილურ მომარჯვებული (ასეთ ვიდეოებში ფულს იღებენ, მერე ეს გადედლებული პროვოკატორები) და სანამ პროვოკაციას მოაწყობდა, მანამდე მისაღები მიიღო ჩემგან და შემდეგ, „პოლიცია, პოლიციის“ ყვირილით გავარდა მისაღებში და ამით ამოიწურა დილის ინციდენტი..
ამის შემდეგ გადაგვეკვეთა სასტუმროს შემოსასვლელში და მოვთხოვე პასუხი მაგის საქციელზე საუზმის დროს და მანდაც როგორც სჩვევიათ ამ გადედლებულ კაცუნებს, პოლიციის ძახილით შევარდა სასტუმროში, ხოლო როგორც კი ცოტა დისტანციაზე აღმოვჩნდი, ისევ გამოიქცა გინებ-გინებით ეს კაცმაცუნა, ხოლო ვიდეოს გადაღება დაავალა ეტყობა, მის მიმდევარ აქტივისტს და ასეთი ვიდეოც გამოაცხვეს!
ეს არის რეალობა… ასეთი გადედლებული კაცები ვერასდროს მოახდენენ რევოლუციას, ეს კარგად იცოდეს ყველამ!
პასუხს კი ყოველთვის მიიღებენ ადეკვატურს ქართველებისგან! ისე, ერთი კითხვა უნდა დავსვა: თუ ასე განიცდი მიტინგის ამბებს.. თუ ასე განიცდით დაპატიმრებულ მეგობრებს, მაშინ დასასვენებლად რა გინდათ? მანდ რატომ არ “ცოტნედადიანობთ” თქვე “ჩუსტებო” თქვენა!!
P.s პანჩურის გამო შარვალი თუ გაგერღვა,”იზვინი ბრატ” .. გამოდი და აქაურ “რისეფშენს” ვთხოვ ამოგიკერონ!“ , - წერს ირაკლი ზარქუა.
შეგახსენებთ, რომ ცოტა ხნის წინ მოქალაქე ლაშა გაბიტაშვილმა სოციალურ ქსელში ვიდეო და პოსტი გამოაქვეყნა:
"აბუ დაბიში მწამებელი და რეპრესიული რეჟიმის შემოქმედები შემხვდნენ კონცერტზე არიან ჩამოსულები. წყნარად მივუახლოვდი რომ მეთქვა მათმა რეჟიმა რა ქნა გუშინ ბათუმში, მაგრამ ზარქუამ ხელი გაარტყა ტელეფონს და შეურაცყოფა მომაყენა! არადა მინდოდა მეთქვა რომ ისინი ესე მშვიდად ვერ იცხოვრებენ, რომ ახალი არჩევნებია ჩასანიშნი და ხალხია გამოსაშვები ციხეებიდან, მაგრამ არ მაცალა. ესე ვერ გავაგრძელებთ ცხოვრებას, არც საგმიროა ეს საქმე არც საამაყო, უბრალოდ მათ ხელშია სიტუაციის განმუხვტა! ციხეში ხალხი ჩემი თავისუფლების გამო ზის მათ ვერ მივატოვებ და დასაკარგიც არაფერია, რადგან აღკვეთილი მაქვს თავისუფლება. არც დაჭერიას არც რეპრესიების არ მეშინია, ჩვენ ბევრნი ვართ ! ახალი არჩევნები და ხალხის ციხითან გამოშვებაა მთავარი" - წერს გაბიტაშვილი სოციალურ ქსელში.