"ჯადო ჩემთვის ქილიკის საგანი იყო, მაგრამ... ისედაც ვიცოდი, რომ ეს ჭარბი წონა ჩემი არ იყო" - თაკო კორინთელი თვლის, რომ მისი "ჯანმრთელობის პრობლემები ჯადოს შედეგია"
ტელეწამყვანი და მსახიობი თაკო კორინთელი ცოტა ხნის წინ გამომწერების წინაშე ახალი იმიჯით - გადაპარსული თავით წარსდგა.
“ეს გადაწყვეტილება ძალიან მარტივად მივიღე. 32 წელია რაც უშველებელი ხუჭუჭა თმით დავდივარ, ამიტომ ყველასთვის მოულოდნელი იყო ჩემი გადაწყვეტილება. ბოლო პერიოდში ყველამ შეამჩნია რომ წონაში მოვიმატე. გადამაყოლეს, რამ გაასუქა ასეო,“ - აცხადებდა მსახიობი.
როგორც აღმოჩნდა, მისი ფორმების ცვლილებების ფონზე, თაკო კორინთელს სოციალურ ქსელში არსებული აურაცხელი ბულინგის ატანაც მოუწია. ამის შესახებ მან დეტალურად გადაცემა "სიცრუის დეტექტორში" ისაუბრა.
"ამ თემაზე საუბარი ჩემთვის ამაღელვებელია. სხვათა შორის, ახლა "ძველი" თაკო ბრუნდება. ყველას გვაქვს, სამწუხაროდ, ისეთი პრობლემები, რომელთა გამოც საჭიროა, მედიკამენტები მივიღოთ. ჩემს ცხოვრებაში ასეთი პერიოდი იყო. იყო პატარა პრობლემა, რომლის გამოც ჰორმონალური წამლების დალევა მიწევდა. ამან შეშუპება გამოიწვია. წინასწარ ვიცოდი, რომ ეს წამალი გასუქებასა და შეშუპებას იწვევს. რომ დავიწყე ამ მედიკამენტის მიღება და ნელ-ნელა გავფუვდი, შევშუპდი, მაყურებელმაც და საზოგადოებამაც დაინახა, რომ ეს პატარა, “ჩხინკორა“ გოგო გასუქდა, წამოვიდა ტექსტები... პირად შეტყობინებაშიც მწერდნენ და საჯაროდაც წერდნენ. აგრესიულად თავს მესხმოდნენ. ყველაზე მეტად მაგან მატკინა გული, ძალიან მატკინა.
ისედაც ვიცოდი, რომ ეს ჭარბი წონა ჩემი არ იყო. მშვიდად ვიყავი, რადგან ვიცოდი, რომ ეს ყველაფერი რომ დამთავრდებოდა, ჩემს ფორმებს ისევ დავუბრუნდებოდი.
პირად შეტყობინებაში ისეთი წერილები მომდიოდა, რომ თავიდან მეტირებოდა. ამის გამო ძალიან ცუდად ვიყავი. ყველაფერს ვერ ვიტყვი, მაგრამ იყო რამდენიმე ძალიან უტაქტო და ცუდი მესიჯი...