ხელოვნების ნიმუშების იმპორტის 20 000-ჯერ ზრდა ბიძინა ივანიშვილის მიერ ქონების საქართველოში გადმოტანას უკავშირდება? - რა მონაცემებს ავრცელებს საქსტატი?
საქართველოში ნახატების იმპორტი 20 000-ჯერ, ქანდაკებების 755.5-ჯერ გაიზარდა.
საქსტატის მიხედვით, 2025 წლის იანვარში საქართველოში 481.080 მლნ აშშ დოლარის სურათები და ნახატები შემოვიდა, წინა წლის იგივე პერიოდში მხოლოდ 24 000 აშშ დოლარის.
რაც შეეხება ქანდაკებებს, სტატისტიკის თანახმად, წელს იანვარში ქვეყანაში 33.398 მლნ აშშ დოლარის ძვირადღირებული საქონელი შემოვიდა, წინა წლის იანვარში 44.2 ათასი აშშ დოლარის.
მონაცემების მიხედვით, წელს იანვარში ნახატებისა და სურათების ყველაზე დიდი რაოდენობით გაერთიანებული სამეფოდან და აშშ-დან არის იმპორტირებული.