"პატრულის ორმა ეკიპაჟმა გამაჩერა, ნარკოტიკი ხომ არ გაქვთო? იარაღიო?" - რას წერს დავით გორგილაძე სოციალურ ქსელში?
ტელეწამყვანი დავით გორგილაძე სოციალურ ქსელში წერს, რომ პატრულის ეკიპაჟმა გააჩერა:
"პატრულის ორმა ეკიპაჟმა გამაჩერა, საბუთებიო, მივაწოდე, გადმობრძანდითო. გადავედი. ნასვამი ხომ არ ხართო. ნარკოტიკი ხომ არ გაქვთო? იარაღიო? - მეთქი არცერთი.ზედაპირულად დაგათვალიერებთო.დამათვალიერეს. კაიო, ალკოტესტს მომიტანენ, მანქანაში დაგველოდეთო. კაი-მეთქი.წავიდნენ და ალკოტესტის მაგივრად 5000 ლარიანი ჯარიმით დაბრუნდნენ" - წერს გორგილაძე.