"ერჩით საქართველოს თუ რა გინდათ?!! მსოფლიოს ერთ-ერთ ყველაზე მუსიკალურ ქვეყანას რეებს აჯღავლებთ" - ვინ და როგორ ეხმაურება "ევროვიზიაზე" საქართველოს წარსადგენ სიმღერას?
სიმღერა "Freedom" ("თავისუფლება") ასე ჰქვია სიმღერას, რომელსაც მარიამ შენგელია "ევროვიზიაზე" საქართველოს სახელით წარადგენს. "კოალიცია ცვლილებისთვის“ ლიდერი, ნიკა გვარამია სიმღერასთან დაკავშირებით სოციალურ ქსელში წერს:
გასაჯაროვდა სიმღერის კლიპი, რომელსაც მარიამ შენგელია "ევროვიზიაზე" წარადგენს - ვიდეო
"ევროვიზიას" ვადევნებ ხოლმე თვალს. საქართველო რომ სრულ კატასტროფაშია ბოლო ათეული წელია, ყველამ ვიცით. წელს წინა წლების ფონზეც კი გამორჩეული საშინელებაა. "პირველი არხი" ერჩით საქართველოს თუ რა გინდათ?!! მსოფლიოს ერთ-ერთ ყველაზე მუსიკალურ ქვეყანას რეებს აჯღავლებთ ყველაზე დიდ მუსიკალურ ფორუმზე (კარგია-ცუდია "ევროვიზია", მეორეხარისხოვანია)?! მტრები ხართ ქვეყნის თუ რა გინდათ?!" - წერს ნიკა გვარამია.
"ევროვიზიაზე" წარსადგენი სიმღერის კლიპის გასაჯაროების შემდეგ, სოციალურ ქსელში ვიდეომიმართვა გაავრცელა მაიკო კაჭკაჭიშვილმა, რომელმაც შესარჩევი კოკოკურსის ერთ-ერთი მონაწილისთვის, თათია კობალაძისთვის დაწერა სიმღერა:
"მოკლედ, დღეს ოფიციალურად გამოცხადდა "ევროვიზიის" პროდუქტი, აქამდე ველოდებოდი, ვიცოდი, მაგრამ ველოდებოდი ოფიციალურობას და მეც ოფიციალურად ჩავრთე "ლაივი", ჩემი კარიერის ისტორიაში ერთხელ, ჩემი სურვილით, სალომე გასვიანის სურვილით მივიღეთ "ევროვიზიაზე" მონაწილეობა და მაშინ შევქმენით ძალიან მაგარი მელოდიური სიმღერა, რომელიც სალომემ ძალიან შესანიშნავად იმღერა და კარგად წარადგინა, მაშინ შესარჩევ კონკურსში საქართველოში დიანა ღურწკაია მონაწილეობდა და ჩვენ მეორე ადგილზე გავედით. ეგ წელი იყო, როცა დავიფიცე, რომ მე "ევროვიზიის" კონკურსისთვის სიმღერას აღარ შევქმნიდი არასდროს იმიტომ, რომ ვხდებოდი რა სამზარეულოში და ქვაბებში იხარშებოდა თითოეული პროდუქტი. ახლა ჩემი სურვილის მიუხედავად, ბათუმელმა მომღერალმა თათია კობალაძემ, რომელიც მრავალო კონკურში მონაწილეობდა, მიიღო წარმატება, მოწინავე ადგილები და თათიასთვის დავწერე სიმღერა, რომლისთვისაც ტექსტი დაწერა ბიბი კვაჭაძემ ინგლისურ ენაზე და ეძღვნებოდა კიბოს, სიმსივნეს. კობო რომ განაჩენი არ არის ამის თქმა გვინდოდა და მოტივაცია გვინდოდა მიგვეცა ყველა იმ ადამიანისთვის, ვინც ეძებს ამ ვერაგ დაავადებას. თვითონ თათია ახლა გადის ამ ყველაფერს, გაიკეთა ორი ოპერაცია სიმსივნის, არ ნებდება, უკვე გასულია თითქმის ბოლოში და დამარცხებული აქვს, ბრძოლის ხასიათზე იყო და ისევ სიმღერა უნდოდა. ისე გვინდოდა ეს პროდუქტი შეგვეფუთა, რომ სიმართლე და ჭეშმარიტება გაგვეტანა... იმის ღირსადაც არ ჩაგვაგდეს, რომ ნუღარ ელოდებითო ეთქვათ, ჩვენ უკვე ვიცით, ვინც გადის. მე არანაირი პრეტენზია არ მაქვს მომღერალზე და არც ავტორზე, შემქმნელზე ამ პროდუქტის, უბრალოდ, სხვა მომღერლები და კომპოზიტორები, რომლებიც გელოდებიან და იმის ღირსადაც არ ჩათვლით, რომ მიწეროთ თქვენი სიმღერა ვერ გავიდა... ამ ქვეყანაში ჩემი რამდენიმე სიმღერა თავისით, რომ არ გაჰიტებულიყო, აქ ხარ უპატრონო, რაღაცაში უნდა იყო, ვიღაცასთან უნდა იყო, პატრონი რომ გყავდეს... განუკითხაობაა, ამას ორი აზრი აღარ სჭირდება - ნაწყენი ვარ" - ამბობს ვიდეომიმართვაში კომპოზიტორი მაია კაჭკაჭიშვილი.