33 ადამიანი ემსხვერპლა შეერთებული შტატების 6 შტატში შტორმსა და ტორნადოს - კვირის პალიტრა

შეერთებული შტატების 6 შტატში შტორმსა და ტორნადოს სულ მცირე 33 ადამიანი ემსხვერპლა.

მედიის ინფორმაციით, 12 ადამიანი მისურის შტატში დაიღუპა, 8 - კანზასში, 3 - არკანზასის შტატში, 6 - მისისიპში, 3 - ტეხასში და ერთი - ოკლაჰომაში.

უამინდობის გამო 200 000-ზე მეტი ადამიანი ელექტროენერგიის გარეშეა დარჩენილი.

მისისიპის გუბერნატორმა, ტეიტ რივზმა შტატში საგანგებო მდგომარეობა გამოაცხადა. მისი ინფორმაციით, 6 დაღუპულის გარდა, ამ დროისთვის, 3 ადამიანი დაკარგულად ითვლება, 29 კი - დაშავებულია.

ABC NEWS-ის ცნობით, ბოლო 24 საათის განმავლობაში რვა შტატს 40-ზე მეტმა ტორნადომ დაარტყა და უამინდობის საფრთხე კვლავ მაღალია.

"ინტერპრესნიუსი"