"საშინელებაა, როდესაც ზვიადის იდეური მტრები, 31 მარტს ამას შვრებიან" - რა ვიდეომიმართვას ავრცელებს გიორგი გამსახურდია? - კვირის პალიტრა

საქართველოს პირველი პრეზიდენტის შვილი, ზვიად გამსახურდიას ვაჟი, გიორგი გამსახურდია ვიდეომიმართვას ავრცელებს:

"მინდა გამოვეხმაურო 31 მარტს, ეს თავისთავად ცხადია, ეს არის ჩვენი საქართველოსთვის, ჩვენი ქვეყნისთვის უდიდესი მნიშვნელობის დღე და თქვენ წარმოგიდგენიათ, პუტჩის აქტიური მონაწილე, პუტჩის "გამპრავებელი" სალომე ზურაბაშვილი თუ ზურაბიშვილია, მნიშვნელობა არ აქვს, ამ ყველაფერს აანონსებს. საშინელებაა, როდესაც ზვიადის იდეური მტრები, 31 მარტს ამას შვრებიან და აკეთებენ. ყველა იმ ადამიანს მე მინდა ვუთხრა, რომ ძალიან ცუდი იქნება თქვენი მხრიდან ამ ფარსში, ძალიან ცუდ რამეში მონაწილეობა. ზვიად გამსახურდიას მიხეილ სააკაშვილი ეძახდა სადამ ჰუსეინს, ეს ყველაფერი დადასტურებულია და არსებობს ინტერნეტში. სალომე ზურაბიშვილი, ეს მავნებელი ქალბატონი, მთელი თავისი პოლიტიკური საქმიანობის არსებობის მანძილზე ზვიად გამსახურდიას აძაგებდა " - ამბობს ვიდეოში გიორგი გამსახურდია.

ცნობისთვის, 31 მარტს საქართველოს მე-5 პრეზიდენტმა და ოპოზიციურმა პარტიებმა რუსთაველის გამზირზე მასშტაბური საპროტესტო აქცია დააანონსეს, რომელსაც სხვადასხვა საზოგადოებრივი ჯგუფებიც უერთდებიან.