“გავიმეორებ სიცოცხლის ბოლომდე - ომი რუსეთმა დაიწყო! მტერი რუსეთია...“ - გიორგი ანწუხელიძის მეუღლე მიმართვას ავრცელებს
საქართველოს შეიარაღებული ძალების სამხედრო მოსამსახურის, მე-4 ქვეითი ბრიგადის 41-ე ბატალიონის უმცროსი სერჟანტის გიორგი ანწუხელიძის მეუღლე მაკა ჩიკვილაძე სოციალურ ქსელში სტატუსს აქვეყნებს, სადაც წერს, რომ 2008 წელს ომი რუსეთმა დაიწყო და ეს ყველაფერი ჰააგის ტრიბუნალმა უკვე გამოიძია.
“ქვეყანაში, რომელსაც უამრავი პრობლემა აქვს, ახალგაზრდა სახელმწიფოს წარმოადგენს, რომელსაც განვითარებისთვის მუდმივი შრომა, სწავლა, გამოცდილების შეძენა სჭირდება, როგორი გაუგებარიც არ უნდა იყოს, გამუდმებით მიმდინარეობს დაპირისპირება და გარჩევა თემის, თუ ვინაა მტერი. ამ დაპირისპირებებში მტერი იკარგება, სამაგიეროდ ჩნდება მტრობა, თანამოქალაქეებს შორის მტრობა. ეს უნდა მტერსაც. ჩვენ მის სურვილს ვასრულებთ, ნაწილი შეუგნებლად, ნაწილი შეგნებულად, ზოგიც მდუმარებით.
საქართველოს ბევრი მტერი ჰყავდა საუკუნეების მანძილზე. ასეთი იყო მსოფლიო ათასწლეულები - მტრული.
ჩვენს საუკუნეში კი, ღიად, საომარი მოქმედებებით, თუ ხელოვნურად შექმნილი შიდა დაპირისპირებებით, პროვოკაციებით, საქართველოს მტერი არის რუსეთი და მისი პოლიტიკა. ვინც ამ პოსტს წაიკითხავს, საკუთარ მოსაზრებას იტყვის, თუ გაიფიქრებს, მათ მინდა ვუთხრა, პატივისცემით, გულწრფელად-- ყოველი კამათისას, რომელიც 2008 წელს ეხება, ყოველი გამონათქვამისას, რომელიც გიორგის ეძღვნება, მე არ ვარ მხოლოდ მეუღლე, დედა, ოჯახის წევრი...
ჩემგან, ადამიანები, კითხვებით, ზოგჯერ შეუკითხავად, ელოდებიან პოზიციას, აზრს... ხშირად ეს დამატებით პასუხისმგებლობას მძენს, კიდევ მეტს, ვიდრე მაქვს, მიზეზთა გამო...
ბევრჯერ მითქვამს და რამდენჯერაც საჭირო იქნება, სულ გავიმეორებ სიცოცხლის ბოლომდე - ომი რუსეთმა დაიწყო!!! რუსეთი სხვა წლებშიც გვეომებოდა!!! მტერი რუსეთია, რომელიც ხშირად იყენებს სეპარატისტებს, შიდა მტრებს!!!" გააგრძელეთ კითხვა