ძიუდოს ევროპის ჩემპიონატის შერეულ გუნდურ ტურნირზე საქართველოს ნაკრები პირველ ადგილზე გავიდა - კვირის პალიტრა

მონტენეგროს დედაქალაქ პოდგორიცაში ძიუდოს ევროპის ჩემპიონატის შერეულ გუნდურ ტურნირზე საქართველოს ნაკრები პირველ ადგილზე გავიდა.

საქართველოს ნაკრებმა მერვედფინალში აზერბაიჯანს 4:0, მეოთხედფინალში ავსტრიას 4:1, ნახევარფინალში გერმანიას 4:0 სძლია, ფინალში კი იტალია 4:3 დაამარცხა.

ფინალში მარიამ ჭანტურიამ, გურამ თუშიშვილმა და ეთერ ლიპარტელიანმა გაიმარჯვეს, ხოლო ლუკა მაისურაძე, სოფიო სომხიშვილი და მიხეილ ბახბახიშვილი დამარცხდნენ, 3:3 დაფიქსირდა, დამატებით ბრძოლა კი სოფიო სომხიშვილმა ასიო ტავანოს მოუგო.

ინდივიდუალურ პირველობაში ქართველმა ძიუდოისტებმა ოთხი მედალი მოიპოვეს: გიორგი სარდალაშვილმა და ილია სულამანიძემ ოქროს, ხოლო ეთერ ლიპარტელიანმა და ტატო გრიგალაშვილმა ვერცხლის მედლები.

"ინტერპრესნიუსი"