68 წლის პენსიონერმა ცხინვალის რეჟიმის ე.წ. შს მინისტრი ჯოხით სცემა
68 წლის პენსიონერი ცხინვალის მარიონეტული რეჟიმის ე.წ. შს მინისტრს ალან გუჩმაზოვს თავს დაესხა. ამის შესახებ "ეხო კავკაზა" ტელეგრამ-კანალ "საპა ცხინვალზე" დაყრდნობით ავრცელებს.
გუჩმაზოვი ჯავის რაიონში შეხვედრას მართავდა. მან ერთ-ერთ ადგილობრივს შენიშვნა მისცა, რომ სხვებისთვის ხელი არ შეეშალა. საპასუხოდ, პენსიონერმა ჯოხი რამდენჯერმე დაარტყა.
პენსიონერი დააკავეს და იზოლატორში გადაიყვანეს. ე.წ. შსს ამტკიცებს, რომ თავდამსხმელი მთვრალი იყო.