"ხელი გაწიე, ქალო" ანუ, რა მოხდა ემანუელ მაკრონსა და მის მეუღლეს შორის - მაკრონის პირველი კომენტარი სკანდალურ ვიდეოზე, რომლის მიხედვითაც ამბობენ, რომ მას ცოლმა სახეში გაარტყა
პრეზიდენტმა უარყო ბრიჯიტ მაკრონთან რაიმე „ოჯახური სცენა“ და თქვა, რომ ის და მისი მეუღლე „ხუმრობდნენ“. მან კადრების ინტერპრეტაციასთან დაკავშირებით ყველას სიმშვიდის შენარჩუნებისკენ მოუწოდა.
მე და ჩემი მეუღლე ვხუმრობდით, რაც ხშირად ხდება. სამი კვირის განმავლობაში იყვნენ ადამიანები, რომლებიც ვიდეოს უყურებდნენ და ფიქრობდნენ, რომ მე კოკაინის პაკეტი მქონდა. შემდეგ ბჭოდნენ ჩემი და თურქეთის პრეზიდენტის შეხვედრის დროს ერთმანტისთვის ხელის ჩამორთმევის ეპიზოდზე და ახლა ჩემს მეუღლესთან ჩხუბზე საუბრობენ. „ეს ყველაფერი სიმართლეს არ შეესაბამება [...] ამიტომ ყველამ უნდა დამშვიდდეს“, - განუცხადა საფრანგეთის პრეზიდენტმა ჟურნალისტებს ჰანოიში.
საფრანგეთის პრეზიდენტმა, ემანუელ მაკრონმა სამხრეთ-აღმოსავლეთ აზიის ტურნეს ფარგლებში პირველი ვიზიტი ვიეტნამში გამართა. თუმცა მედიის ყურადღება ერთმა ინციდენტმა მიიპყრო. როგორც ABC News წერს, ვიეტნამის დედაქალაქ ჰანოიში საფრანგეთის საპრეზიდენტო ბორტის დაფრენისას, ემანუელ მაკრონს მისმა ცოლმა - ბრიჯიტ მაკრონმა სახეში უთავაზა.
სააგენტო ვიდეოსაც ავრცელებს, სადაც ჩანს რომ როდესაც თვითმფრინავის ბორტი იხსნება, ბრიჯიტი ემანუელს სახეში მსუბუქად ურტყამს. წყვილი სავარაუდოდ არ ელოდა, რომ კარი ღია იქნებოდა და მათ ვიდეოზე აღბეჭდავდნენ. მაკრონი დაბნეული ჩანს, თუმცა მალე ერკვევა სიტუაციაში და ოფიციალურ შეხვედრას მეუღლესთან ერთად აგრძელებს.