"ჩემი მარაგი" - საოჯახო მარაგების ონლაინ შეძენის საუკეთესო გამოცდილება
თანამედროვე სწრაფ სამყაროში დრო ერთ-ერთ ძვირფას რესურსად იქცა. მისი რაციონალურად მართვა პროდუქტიული, დაბალანსებული და მშვიდი ცხოვრების მთავარი პირობაა. განსაკუთრებით მაშინ, როდესაც საქმე კვებას - ყოველდღიურ და აუცილებელ საჭიროებას - ეხება, დროის დაზოგვა დიდ მნიშვნელობას იძენს.
მაღაზიებსა თუ ბაზარში სიარული, რიგში დგომა, ახალი და ჯანსაღი პროდუქტების შერჩევა, ფასების შედარება, შენაძენის სახლში მიტანა, გადარჩევა და ამ ციკლის გამეორება დიდ დროსთან ერთად ენერგიასა და ემოციურ რესურს მოითხოვს. ამ განმეორებადი და დამღლელი პროცესის ალტერნატივა კი თანამედროვე ონლაინ შეძენის გამოცდილებაა, რომელიც სასურველი პროდუქტის ყიდვის პროცესს ბევრად ამარტივებს.
ონლაინ მაღაზია „ჩემი მარაგი“ სწორედ იმ მომხმარებელზეა ორიენტირებული, ვისაც სურს სწრაფად, მარტივად და კომფორტულად შეავსოს საოჯახო მარაგები - სახლიდან გაუსვლელად, მასზე მორგებული სერვისებისა და პირობების გათვალისწინებით. ჩვენი მიზანია საუკეთესო ონლაინ გამოცდილების შეთავაზება, რომელიც მაღალ ხარისხს, დროის ეკონომიას და მომსახურების გამორჩეულ სტანდარტს აერთიანებს.
რა გამოარჩევს ბაზარზე „ჩემი მარაგის" ონლაინ მიწოდების სერვისს?
უფასო მიტანის სერვისი მთელი საქართველოს მასშტაბით
„ჩემი მარაგი" მომხმარებელს სასურველ პროდუქტს უფასოდ მიაწვდის საქართველოს ნებისმიერ წერტილში - შეკვეთის მოცულობისა და ღირებულების მიუხედავად. ეს ნიშნავს, რომ მნიშვნელობა არ აქვს პროდუქციის რაოდენობასა და ზომას, ასევე არ არსებობს მინიმალური ღირებულების ზღვარი - სასურველ პროდუქციას მომხმარებელი უფასო მიტანის სერვისით მიიღებს.
კიდევ ერთი დიდი უპირატესობა არის რეგიონებში მიწოდების ხელმისაწვდომობა - მომხმარებელს, რომელიც ქალაქგარეთ ცხოვრობს, სახლიდან გაუსვლელად, უფასო მიტანის სერვისით შეუძლიათ შეავსონ საოჯახო მარაგები.
სწრაფი მიწოდება
თბილისში შეკვეთები მეორე დღესვე ხორციელდება, რეგიონებში - კვირაში ორჯერ. სწრაფი მიწოდება განსაკუთრებით მნიშვნელოვანია იმ ადამიანებისთვის, ვისაც ყოველდღიურ რეჟიმში დრო არ ჰყოფნით პროდუქტების საყიდლად.
სწრაფი სერვისი მომხმარებელს საშუალებას აძლევს, არ დაარღვიოს პირადი რუტინა, დაზოგოს დრო და მარტივად დაგეგმოს როგორც კვირის, ისე თვის მარაგები.
გარდა ამისა, სერვისი განსაკუთრებით გამოსადეგია მოულოდნელი საჭიროებების დროს - მაგალითად, როცა სახლში კონკრეტული პროდუქტი ამოიწურება და მისი დროულად შევსება სასწრაფოდ აუცილებელია.
შეკვეთის მარტივი პროცესი
ონლაინ მაღაზიაში „ჩემი მარაგი" შეკვეთის განთავსება საკმაოდ მარტივი პროცესია და ამისთვის რამდენიმე კომფორტული საშუალება არსებობს: ტელეფონი, სოციალური ქსელები და ვებ-გვერდი. საიტზე შეკვეთის პროცესი საკმაოდ მარტივია - რეგისტრაციიდან პროდუქტის შეძენამდე სულ რამდენიმე წუთია საჭირო. ონლაინ პლატფორმა იმდენად ინტუიციურია, რომ მომხმარებელს არ სჭირდება ტექნოლოგიური ცოდნა ან დიდი დრო - მარტივი და სწრაფი პროცესი ყველასთვის ხელმისაწვდომია, მათ შორის უფროსი ასაკის მომხმარებლებისთვისაც. ის ფაქტი, რომ შეკვეთის გაკეთება ასევე ტელეფონით და სოციალური ქსელებით არის შესაძლებელი, კიდევ უფრო ამარტივებს სერვისის გამოყენებას და ხდის მას ყოველდღიური ცხოვრების ნაწილად.
ყველა საოჯახო მარაგი ერთ სივრცეში
„ჩემი მარაგი" 500-მდე დასახელების პროდუქციას აერთიანებს, მათ შორის: თხილეული, ჩირეული, ბურღულეული, მარცვლეული, ბაკალეა, საკონდიტრო ნაწარმი, სუნელები და სხვა. ყველაფერი, რაც ადამიანს საოჯახო მარაგების შესავსებად სჭირდება, ერთ პლატფორმაზეა თავმოყრილი. შესაბამისად, მაღაზიებსა და ბაზრებში სიარულისა და საჭირო პროდუქტების ძებნის პარალელურად, „ჩემი მარაგი" მომხმარებელს სთავაზობს ხელით ნარჩევ პროდუქციას, რომელსაც ყველანაირი უსაფრთხოების და გადარჩევის საკონტროლო ეტაპი აქვს გავლილი და შესაბამის სტანდარტებს აკმაყოფილებს.
ამასთან ერთად, ყველაზე მოთხოვნად პროდუქტებზე ხშირად კეთდება სხვადასხვა სახის შეთავაზებები და აქციები. ეს კი ამარტივებს ბიუჯეტის დაგეგმვას, რაც განსაკუთრებით მნიშვნელოვანია დიდი ოჯახებისთვის.
„ჩემი მარაგი“ მომხმარებელს სთავაზობს არა მხოლოდ მაღალი ხარისხის პროდუქტებს და მრავალფეროვნებას, არამედ ონლაინ შეძენის საუკეთესო გამოცდილებასაც. მარაგების შევსებისთვის განკუთვნილი საზრუნავი მომხმარებელს შეუძლია მიანდოს „ჩემი მარაგს“, ხოლო დრო სასურველ საქმიანობასა და დასვენებას მოახმაროს.
(R)