რუსებმა ხარკოვს დაარტყეს - ქალაქში დიდი ხანძარია
რუსულმა ძალებმა წუხელ ხარკოვზე კომბინირებული შეტევა განახორციელეს, რამაც ქალაქში მასშტაბური ხანძარი გამოიწვია, - ინფორმაციას უკრაინული მედია ავრცელებს.
ხარკოვის მერის, იგორ ტერეხოვის თქმით, რუსებმა თავდასხმისთვის გამოიყენებს „შაჰიდის“ ტიპის 9 დრონი და ორი რაკეტა, რომელთა ტიპიც დგინდება.
„ხანძარი სამრეწველო ზონაში ოთხ ლოკაციაზე გაჩნდა. ამ დროისთვის ცნობილია ერთი დაშავებულის შესახებ“, - აღნიშნა მერმა.
მისი თქმით, რუსებმა ხარკოვზე, კერძოდ, ნოვობავარის რაიონზე, ათი დარტყმა განახორციელეს.
"ინტერპრესნიუსი"