"ნუცა, არ გაბედო მამაჩემის დაჭერის და ჩემი ოჯახის დევნის პერიოდის ხსენება... მეცოდები რომ ბათიაშვილების არაფერი გცხია" - რას პასუხობს ირინა ბათიაშვილი დას?
კოალიცია "ცვლილებებისთვის“ ერთ-ერთი ლიდერის, ზურაბ ჯაფარიძის დედის გარდაცვალებამ საზოგადოებაში დიდი რეზონანსი გამოიწვია. პატიმრობაში მყოფი ჯაფარიძე დედის პანაშვიდზე მხოლოდ 20 წუთით მიიყვანეს, რა დროსაც მას ბორკილები ეკეთა. საზოგადოების ნაწილის მხრიდან ამას მწვავე შეფასებები მოჰყვა.
"თავისუფალი უნივერსიტეტის“ სამაგისტრო და სადოქტორო პროგრამების დეკანი, ნუცა ბათიაშვილი, პოლიტიკოს ირაკლი ბათიაშვილის ქალიშვილი პირველი ქორწინებიდან (დედა - მაია ნადირაძე), ემოციური პოსტით გამოეხმაურა ზურაბ ჯაფარიძისთვის დედის პანაშვიდზე დასწრების შეზღუდვას. ნუცამ გაიხსენა მამამისის პატიმრობა 2006 წელს. მისი თქმით, ირაკლი ბათიაშვილი მამის პანაშვიდებზე მთელი დღე იმყოფებოდა და "ნაცები“ ისე აცილებდნენ და აბრუნებდნენ ციხეში, რომ ვერავინ მიხვდებოდა, თუ ის პატიმარი იყო.
"ირაკლი ბათიაშვილი პატიმარი რომ იყო, მამამისის პანაშვიდებზე “კაციჭამია ნაცებს” ისე მიჰყავდათ და მოჰყავდათ, ვერ მიხვდებოდი, რომ ციხეში იჯდა" - რას წერს პოლიტიკოსის ქალიშვილი ზურა ჯაფარიძეზე?ირინა ბათიაშვილის პასუხი დას: "ნუცა, არ გაბედო მამაჩემის დაჭერის და ჩემი ოჯახის დევნის პერიოდის ხსენება!“
Ambebi.ge-ზე გამოქვეყნებულ სტატიას კომენტარებში ირაკლი ბათიაშვილის მეორე ქალიშვილი, ირინა ბათიაშვილი (მეორე ქორწინებიდან) გამოეხმაურა და დას მიმართა. ირინა ბათიაშვილის სრული მიმართვა:
"ნუცა, არ გაბედო მამაჩემის დაჭერის და ჩემი ოჯახის დევნის პერიოდის ხსენება! როცა და მჭირდებოდა (მე არასრულწლოვანს პატარა ბავშვს) და გთხოვე გვერდში დამდგომოდი, გებრძოლა ჩემთან ერთად, დაიკარგე! ერთი წერილი არ მიგიწერია მამაშენისთვის ციხეში და ერთ სასამართლოს არ დასწრებიხარ! რა უნდა გელაპარაკო?! ახლა ბედავ და სპეკულირებ ჩვენი ოჯახით! არ გამოგივა! როგორ ბედავ, რომ ადარებ ამ სიტუაციას?! სად მიჰყავდათ და მოჰყავდათ ირაკლი?? მამაჩემი საკუთარი მამის გასვენებაში არ მოიყვანეს და გზიდან მიაბრუნეს ციხეში იმ არაადამიანმა ნაცებმა ვის გვერდითაც ასე ბედნიერი დგახარ! გააგრძელეთ კითხვა