"უმძიმესი ამბავი მოხდა, უკეთილშობილესი და უწესიერესი ადამიანი წავიდა..." - ვინ არის ბაღდათში ტრაგიკულად დაღუპული ახალგაზრდა - კვირის პალიტრა

ბაღ­და­თის მუ­ნი­ცი­პა­ლი­ტეტ­ში უბე­დურ შემ­თხვე­ვას ახალ­გაზ­რდა კაცი ემსხვერ­პლა. არ­სე­ბუ­ლი ინ­ფორ­მა­ცი­ით, შემ­თხვე­ვა სო­ფელ დიმ­ში, კაშ­ხალ­თან მოხ­და.

38 წლის გი­ორ­გი ვა­ჭა­რა­ძე მდი­ნა­რე­ზე ან­კე­სით სა­თევ­ზა­ოდ იმ­ყო­ფე­ბო­და, რა დრო­საც დენ­მა და­არ­ტყა. მას გული გა­უ­ჩერ­და.

ად­გილ­ზე იმ­ყო­ფე­ბო­და სას­წრა­ფო სა­მე­დი­ცი­ნო დახ­მა­რე­ბის ჯგუ­ფი, ჩა­უ­ტარ­და პირ­ვე­ლა­დი დახ­მა­რე­ბა, თუმ­ცა მისი გა­დარ­ჩე­ნა ვერ შეძ­ლეს. გარ­დაც­ვლი­ლის ცხე­და­რი ქუ­თა­ის­ში ლე­ვან სამ­ხა­რა­უ­ლის ექ­სპერ­ტი­ზის ეროვ­ნულ ბი­უ­რო­ში იყო გა­დას­ვე­ნე­ბუ­ლი. მომ­ხდარ­ზე გა­მო­ძი­ე­ბა და­ი­წყო.

ჩვენ გიორგის მეგობარს ვესაუბრეთ, რომელმაც ის ძალიან დადებითად დაახასიათა:

"გიორგი წლების წინ გავიცანი საერთო მეგობრების გარემოცვაში და შესაბამისად, ჩვენც დავმეგობრდით, შესანიშნავი პიროვნება იყო და მასზე წარსულში საუბარი ძალიან მიჭირს. უზომოდ მშრომელი და პატიოსანი, წესიერი ადამიანი, მშვიდი, გაწონასწორებული, გიჟდებოდა თავის მეუღლეზე და ოჯახზე, სულ მათზე ლაპარაკობდა და უდიდეს სიყვარულს გამოხატავდა, ამბობდა, რამდენი სირთულე დაგვიძლევია ერთად და აქამდე დიდი სიყვარულით მოვედითო.

გიოს საოცარი იუმორი ჰქონდა, სულ რაღაცას ხუმრობდა, ყველას თანადგომას უცხადებდა თუკი რაიმე შეეძლო და მისგან მორალური მხარდაჭერის იმედი ყოველთვის შეიძლებოდა ჰქონოდათ მის მეგობრებს.

ძალიან განვიცდით მომხდარს და ვერ ვიჯერებთ, ვერ ვეგუებით, რომ გიო აღარაა... ნათელში ყოფილიყოს მისი კეთილი სული, უმძიმესი ამბავი მოხდა და ის ძალიან დააკლდება ყველას.

ვუსამძიმრებ გიორგის ოჯახსა და მეგობრებს ამ დიდ ტრაგედიას".