"ჩემი ოჯახის, ჩემი ბავშვობის კიდევ ერთი ოქროს ფურცელი..." - რას წერს თაკო ჩარკვიანი?
თაკო ჩარკვიანი ელდარ შენგელაიას გარდაცვალებას სოციალურ ქსელში ეხმაურება და წერს:
"ჩემი ოჯახის, ჩემი ბავშვობის კიდევ ერთი ოქროს ფურცელი, ჯანუკის მეგობარი, ელდარ შენგელაია წავიდა.
ელდარინო - ასე ეძახდა ჯანსუღი მოფერებით.
"იტალიელებს ხომ ჰყავთ პაზოლინი, ფელინი, ჰოდა, შენ ხარ ელდარინოო", - ეხუმრებოდა ჯანუკი.
მართლაც, ამ ეპოქის გენიალური რეჟისორი ელდარ შენგელაია წავიდა - გარდაიცვალა.
მიყვარხარ და ჯანუკივით მომენატრები.
ჯანსუღი როგორც იტყოდა:
"მშვიდობით არა, ნახვამდის,
გიმზერ მზის სხივით მოფენილს,
რა შორი გზაა სახლამდის,
წამია წუთისოფელი".