რას იზამს ტრამპი, თუ პუტინმა და ზელენსკიმ მშვიდობაზე ვერ მოილაპარაკეს?!
მშვიდობის შესაძლებლობების შესახებ ორი კვირის ფარგლებში გვეცოდინება, ამის შემდეგ, შესაძლოა, სხვა გზის არჩევა მოგვიწიოს. ამის შესახებ აშშ-ის პრეზიდენტმა, დონალდ ტრამპმა ტოდ სტარნსთან ინტერვიუში განაცხადა.
მისი თქმით, ეს საშინელი ომია და ზელენსკი კარგად გამოიყურება.
“ის [ზელენსკი] კარგად გამოიყურება, ძალიან კარგად
გამოიყურება. ეს მძიმე ომია. საშინელი ომია, ყველაზე ცუდი რამ მეორე მსოფლიო ომის შემდეგ. ბევრი ხალხი კვდება, ბევრი ჯარისკაცი კვდება, კვირაში 5-7 ათასი…
[მშვიდობის შესაძლებლობის შესახებ] ორი კვირის ფარგლებში გვეცოდინება, ასე თუ ისე. ამის შემდეგ, შესაძლოა, სხვა გზის არჩევა მოგვიწიოს. ვნახავთ, მალე გვეცოდინება”,- განაცხადა ტრამპმა.
"ინტერპრესნიუსი"