ოდესაში "ქართული ლეგიონის" მეთაურის მამუკა მამულაშვილის გამოფენა იხსნება - კვირის პალიტრა

ფორპოსტი მომავლის სიმფონიის ფერებში - ასეთი სათაურით იხსნება 4 ოქტომბერს, უკრაინაში, ქალაქ ოდესაში „ქართული ლეგიონის“ მეთაურის მამუკა მამულაშვილის ნახატების გამოფენა.

ოდესა, ქალაქი, რომელიც ომშია და არსებობისთვის იბრძვის, ამჯერად ხელოვნების ძალას ფართოდ უხსნის კარს. გამოფენის ორგანიზატორების თქმით, ეს არ არის მხოლოდ ნახატების გამოფენა, ეს არის მესიჯი იმის შესახებ, რომ ხელოვნება შესაძლოა იქცეს ფორპოსტად მომავლისთვის მაშინაც კი, როცა ირგვლივ ყველაფერს ომის დაღი ადევს. მათივე თქმით, მამუკა მამულაშვილი ის მეომარი მხატვარია, რომელმაც თავისუფლებისათვის ბრძოლა ფერებში ასახა, ის არის სიმბოლო იმისა, რომ ომშიც კი შესაძლებელია სინათლისა და სილამაზის შექმნა.

ცნობისთვის, მამუკა მამულაშვილის ნახატების გამოფენას სამი კვირის განმავლობაში უსასყიდლოდ მასპინძლობდა ივა­ნე კა­ვა­ლე­რი­ძის სა­ხე­ლო­ბის მუ­ზე­უმ­ი, კიევში. ოდესის შემდეგ ქართველი მეთაურის ნახატები კამენეც-პოდოლსკშიც გამოიფინება.

"ხატ­ვა­ში პრო­ფე­სი­უ­ლი გა­ნათ­ლე­ბა არ მი­მი­ღია. ეს ჩემ­თვის გან­ტვირ­თვის სა­შუ­ა­ლე­ბაა, უფრო სწო­რად კი, თე­რა­პია. ჯერ კი­დევ ბავ­შვო­ბა­ში, აფხა­ზე­თის ომი­დან დაბ­რუ­ნე­ბის შემ­დეგ და­ვი­წყე ხატ­ვა. ეს ძა­ლი­ან მამ­შვი­დებ­და და თვით­გა­მო­ხატ­ვა­ში მეხ­მა­რე­ბო­და. ახ­ლაც ასეა, რო­გორც კი დრო და სა­შუ­ა­ლე­ბა მეძ­ლე­ვა, სურ­ვი­ლი მიჩ­ნდე­ბა, ჩემი გან­წყო­ბე­ბი ფე­რებ­ში გა­მოვ­ხა­ტო. ხატ­ვი­სას ძი­რი­თა­დად იმ ფე­რებს ვი­ყე­ნებ, რაც რე­ა­ლურ ცხოვ­რე­ბა­ში მაკ­ლია. უკ­რა­ი­ნულ სა­ზო­გა­დო­ე­ბას ჩემი ნა­მუ­შევ­რე­ბი მო­ე­წო­ნა და აგერ უკვე მე­ო­თხედ ეწყო­ბა ჩემი გა­მო­ფე­ნა. სხვა­თა შო­რის, კი­ე­ვის შემ­დეგ ჩემი ნა­მუ­შევ­რე­ბი ოდე­სა­სა და კა­მე­ნეც-პო­დოლ­სკშიც გა­მო­ი­ფი­ნე­ბა" - აღნიშნა AMBEBI.GE-სთან ინტერვიუში "ქარ­თუ­ლი ლე­გი­ო­ნის" მე­თა­ურ­მა მა­მუ­კა მა­მუ­ლაშ­ვილ­მა.

ხათუნა ბახტურიძე

(სპეციალურად საიტისთვის)