"შეხვედრები ახალიას სახლში ტარდებოდა... არ ვიცი ეს ცოლ-ქმარი დადის თუ არა რუსთაველზე, მაგრამ" - რას პასუხობს თამარ ჩერგოლეიშვილი ყოფილი მინისტრის მეუღლის კომენტარს?
ყოფილი თავდაცვის მინისტრის, ბაჩო ახალაიას მეუღლე, ანი ნადარეიშვილი სოციალურ ქსელში გამოეხმაურა, "ფედერალისტების" ერთ-ერთი ლიდერის, თამარ ჩერგოლეიშვილის განცხადებას ტელეკომპანია "ფორმულას ეთერში, სადაც ის ამბობს, რომ მას აქვს ინფორმაცია, რომ 4 ოქტომბრის აქციასთან დაკავშირებით, ბაჩო ახალაიას სახლში შეხვედრები მიმდინარეობდა.
"ზუსტად სუს-ი რასაც ჩალიჩობს 3 თვეა, იმას ამბობს. ანუ ჩვენება მისცა პირდაპირ ეთერში სუს-ს ბაჩოს და ჩემს წინააღმდეგ და თან უფრო მეტიც სცოდნია. ძალიან მაინტერესებს ენმ-ს რომელი ლიდერი იგულისხმა?! მე მაქვს ჩემი ვერსია ვინ შეიძლება ავრცელებდეს ასეთ ჭორებს. გიგას მინდა თვალებში ჩავხედო," - დაწერა ანი ნადარეიშვილმა.
თამარ ჩერგოლეიშვილი ანი ნადარეიშვილის სტატუსს გამოეხმაურა:
"მე არ ვიცი ეს ცოლ-ქმარი დადის თუ არა რუსთაველზე, მაგრამ გიგას თვალების პოვნა "მშვიდობიან დამხობაზე" გაცილებით იოლი ამოცანაა.
გამოვიდნენ რუსთაველზე პირველ სკოლასთან ცოლიც და ქმარიც, გიგა თითქმის ყოველ საღამოს იქაა და უყურონ რამდენიც გაუხარდებათ - სთხოვონ და გაახელს კიდეც ლურჯ ლამაზ თვალებს.
კატამ მეფეს სადაც შეხედა ...
სამწუხაროდ, მათი სამზარეულოდან გიგას თვალები არ ჩანს," - წერს თამარ ჩერგოლეიშვილი.
„ფედერალისტების“ ერთ-ერთი ლიდერი, თამარ ჩერგოლეიშვილი აცხადებს, რომ პოლიციაში გამოკითხვაზე დაიბარეს.
ჩერგოლეიშვილის თქმით, როგორც მოწმეს მას სათქმელი არაფერი აქვს და პასუხს სასამართლოში გასცემს, დრო კი ჯერ უცნობია.