სამი წარუმატებელი ქორწინება და ბოლო წუთს ჩაშლილი ქორწილი ქართველ მოციგურავესთან - "საშიში ქალი" მოსკოვური ელიტიდან, რომელმაც მიხალკოვის ქალიშვილს ქართველი ქმარი "წაართვა" - კვირის პალიტრა

მას შემ­დეგ, რაც ნი­კი­ტა მი­ხალ­კო­ვის ქა­ლიშ­ვილს ქარ­თვე­ლი ქმა­რი "წა­არ­თვა", "სა­ში­ში ქალი" შე­არ­ქვეს. მარ­თა­ლია, ამ ამ­ბი­დან რამ­დე­ნი­მე წელი გა­ვი­და, ქარ­თველ ქმარ­საც და­შორ­და და მე­ო­თხედ იქორ­წი­ნა, მაგ­რამ ნა­დეჟ­და ობო­ლენ­ცე­ვას სა­ხე­ლი ყვი­თე­ლი მე­დი­ის სა­თა­უ­რებ­ში ძვე­ლე­ბუ­რად ჩნდე­ბა.

სა­ში­ში ქალი და მოს­კო­ვუ­რი ტრა­დი­ცი­ე­ბის მემ­კვიდ­რე

ნა­დეჟ­და ობო­ლენ­ცე­ვა და­ი­ბა­და მოს­კოვ­ში, დიპ­ლო­მა­ტის ოჯახ­ში. ის ბავ­შვო­ბი­დან ინ­ტე­ლი­გენ­ტურ წრე­ში ტრი­ა­ლებ­და, სა­დაც კლა­სი­კას კი­თხუ­ლობ­დნენ და პო­ლი­ტი­კა­ზე სა­უბ­რობ­დნენ. გო­გო­ნამ და­ამ­თავ­რა მოს­კო­ვის სა­ხელ­მწი­ფო უნი­ვერ­სი­ტე­ტი, მი­ი­ღო ორი უმაღ­ლე­სი გა­ნათ­ლე­ბა, იცო­და, რო­გორ მოქ­ცე­უ­ლი­ყო სა­ზო­გა­დო­ე­ბა­ში და რო­გორ მო­ეხ­დი­ნა შთა­ბეჭ­დი­ლე­ბა სა­ჭი­რო ადა­მი­ან­ზე.

დრო­თა გან­მავ­ლო­ბა­ში, წყნა­რი "კარ­გი ოჯა­ხის მოს­კო­ვე­ლი გო­გო­დან" ის სა­ე­რო ხა­ტად იქცა. თა­ნა­მო­აზ­რე­ებ­თან ერ­თად მან შექ­მნა ინ­ტე­ლექ­ტუ­ა­ლუ­რი კლუ­ბი „418“. იქ და­დი­ოდ­ნენ ისი­ნი, ვინც ამ­ჯო­ბი­ნებ­და სა­უ­ბარს არა მხო­ლოდ მო­და­ზე, არა­მედ ცხოვ­რე­ბის აზ­რზე, ფი­ლო­სო­ფი­ა­ზე. მათ შო­რის იყ­ვნენ - სვეტ­ლა­ნა ბონ­და­ჩუ­კი, ქსე­ნია სობ­ჩა­კი და ელი­ტის სხვა წარ­მო­მად­გენ­ლე­ბი.

ობო­ლენ­ცე­ვას რუ­სე­ბი ლილი ბრიკს ადა­რებ­დნენ - იდუ­მალს, და­მო­უ­კი­დე­ბელს, არაპ­როგ­ნო­ზი­რე­ბად ქალს, რო­მე­ლიც მა­ი­ა­კოვ­სკის მუზა გახ­ლდათ. ბრი­კის მსგავ­სად, ნა­ძეჟ­დაც უშ­ვი­ლოა. ის თა­ვის ცხოვ­რე­ბა­ში მუდ­მი­ვად იდე­ა­ლურ პარტნი­ო­რებს ეძებ­და და პო­უ­ლობ­და. მისი სი­ლა­მა­ზე კლა­სი­კუ­რად ვერ ჩა­ით­ვლე­ბა. მაგ­რამ მას­ში არის ის, რაც იზი­დავს სა­პი­რის­პი­რო სქესს - თავ­და­ჯე­რე­ბუ­ლო­ბა, ში­ნა­გა­ნი ძალა... ძლი­ე­რი მა­მა­კა­ცე­ბი, რო­გორც ჩრჩი­ლი, მის­კენ მიფ­რი­ნავ­დნენ.

სიყ­ვა­რუ­ლი, ფული და იმედ­გაც­რუ­ე­ბა

ობო­ლენ­ცე­ვას პირ­ვე­ლი გახ­მა­უ­რე­ბუ­ლი გა­ტა­ცე­ბა იყო ქარ­თუ­ლი წარ­მო­შო­ბის მო­ცი­გუ­რა­ვე ან­ტონ სი­ხა­რუ­ლი­ძე. თით­ქოს ქორ­წი­ლი ახ­ლოს იყო, მაგ­რამ მალე წყვი­ლი და­შორ­და. სი­ხა­რუ­ლი­ძის შემ­დეგ ნა­დეჟ­დას გვერ­დით გა­მოჩ­ნდა მე­წარ­მე დე­ნის მი­ხა­ი­ლო­ვი. ნა­დეჟ­და ფუ­ფუ­ნე­ბა­ში ცხოვ­რობ­და, რო­გორც მისი მე­გობ­რე­ბი ამ­ბობ­დნენ, მა­მა­კაც­მა "შუ­შის სა­სახ­ლე“ აუ­შე­ნა. მაგ­რამ ბედ­ნი­ე­რე­ბა ხან­მოკ­ლე აღ­მოჩ­ნდა: ობო­ლენ­ცე­ვა მის­გან წა­ვი­და, ისე რომ არც აუხ­სნია. გააგრძელეთ კითხვა