მანიფესტაციის ჩატარების წესის დარღვევისთვის დააკავეს კონსტანტინე მიქაია
თბილისის საქალაქო სასამართლომ შეკრება - მანიფესტაციის ჩატარების წესის დარღვევისთვის დაკავებული კონსტანტინე მიქაია ადმინისტრაციულ სამართალდამრღვევად ცნო.
მოსამართლე, ნინო ენუქიძემ მიქაიას 14-დღიანი ადმინისტრაციული პატიმრობა განუსაზღვრა.
შინაგან საქმეთა სამინისტრო მიქაიას "გზის ხელოვნურად" გადაკეტვას ედავებოდა.
შინაგან საქმეთა სამინისტროს ინფორმაციით, ბოლო ორი დღის განმავლობაში, შეკრება - მანიფესტაციის ჩატარების წესის დარღვევისთვის, ადმინისტრაციულ სამართალდარღვევათა კოდექსის შესაბამისად, 14 პირი დააკავეს. დაკავებულთაგან ერთ-ერთი გადაყვანილია ფსიქიკური ჯანმრთელობის და ნარკომანიის პრევენციის ცენტრში, სადაც იძულებით მკურნალობას გაივლის.
შსს-ს თანახმად, აქციის მონაწილეების მხრიდან ბოლო სამი დღის განმავლობაში გამოვლენილ იქნა კანონდარღვევის 53 ფაქტი, აქედან სამართალდამრღვევია 42 პირი, რომელთაგან ნაწილი უკვე დაკავებულია, ხოლო დანარჩენის მიმართ მიმდინარეობს ადმინისტრაციული საქმის წარმოება.
"ინტერპრესნიუსი"