137 000 ფუნტი და -18 წელი - ბელა მეი დედათა და ბავშვთა სპეციალურ განყოფილებაში გადაიყვანეს - რას ამბობს საქართველოში დაკავებული ორსული გოგონას დედა ბრიტანულ მედიასთან?
ორსული ბრიტანელი გოგონა, 19 წლის ბელა მეი კალი, რომელიც საქართველოში ციხეში ნარკოტიკების კონტრაბანდისთვის არის, სასჯელაღსრულების დედათა და ბავშვთა სპეციალურ განყოფილებაში გადაიყვანეს. ამის შესახებ BBC-ის ბელა მეის დედამ, ლიან კენედიმ განუცხადა.
აქამდე ის რუსთავის სასჯელაღსრულების მეხუთე დაწესებულებაში იმყოფებოდა, სადაც გოგონას დედის თქმით, ურთულესი პირობები იყო - საპირფარეშოს ფუნქციას ორმო ასრულებდა, კვირაში ორჯერ კი საერთო საშხაპით შეეძლო სარგებლობა, ასევე შეეძლო ყოველდღიურად ერთი საათი სუფთა ჰაერზე ესეირნა. როგორც მან BBC-ს უთხრა, ბელამ რუსთავის ციხეში ყოფნის დროს სანთლის ალზე "გახუხა პური" და მაკარონი ჩაიდანში მოხარშა, მაგრამ ახლა, როდესაც ის სხვა ციხეში გადაიყვანეს, მდგომარეობა გაუმჯობესდა.
"ახლა მას ორი საათი აქვს სეირნობისთვის, შეუძლია ისარგებლოს საერთო სამზარეულოთი, აქვს საშხაპე და სათანადო საპირფარეშო", - ამბობს ბრალდებულის დედა.კენედის თქმით, ოჯახი ყველაფერს აკეთებს იმისთვის, რომ ბელა სახლში დაბრუნდეს. "მისი სრული ისტორია დროთა განმავლობაში გახდება ცნობილი, მაგრამ მანამდე ჩვენ უბრალოდ ოჯახი ვართ, რომელიც ყველაფერს აკეთებს ქალიშვილისა და შვილიშვილისთვის", - ამბობს დედა.
ცნობილია, რომ ბელა მეის საბოლოო განაჩენი გამოცხადდება.
გარიგება, რომელმაც 20-წლიანი მოსალოდნელი სასჯელი 2 წლამდე შეამცირა
ოჯახმა 500 000 ლარი (დაახლოებით 137,000 ფუნტი) გადაიხადა საპროცესო შეთანხმების გასაფორმებლად. მიღწეული შეთანხმებით, ბელას, სავარაუდოდ, მხოლოდ 2 წლით თავისუფლების აღკვეთა მიესჯება, ნაცვლად 20 წლისა.
დღეს, ორშაბათს, მოსალოდნელია, რომ სასამართლო საბოლოო განაჩენს გამოიტანს