"მადლობა ყველას, ვინც გაიზიარეთ გიორგის ემოცია... მადლობა იმათაც, ვინც სალანძღავი სიტყვები არ დაიშურა, არც ამ ადამიანების მიმართ გვაქვს ბრაზი" - რას წერს გიორგი შერმადინის მეუღლე - კვირის პალიტრა

სა­ქარ­თვე­ლოს სა­კა­ლათ­ბურ­თო ნაკ­რებ­მა მსოფ­ლი­ოს 2027 წლის ჩემ­პი­ო­ნა­ტის საკ­ვა­ლი­ფი­კა­ციო ტურ­ნირ მარ­ცხით და­ი­წყო - სა­ქარ­თვე­ლომ უკ­რა­ი­ნას­თან მატ­ჩი ან­გა­რი­შით 79:92 წა­ა­გო.

ეს შეხ­ვედ­რა ქარ­თვე­ლი გულ­შე­მატ­კივ­რე­ბის წი­ნა­შე ბოლო იყო გი­ორ­გი შერ­მა­დი­ნის­თვის, რომელმაც შემდეგ საზოგადოებას მიმართა და პრემიერს მადლობა გადაუხადა:

"ძა­ლია დიდი მად­ლო­ბა, მინ­და გა­და­ვუ­ხა­დო, ჩვენს სა­ხელ­მწი­ფოს, ბა­ტო­ნი პრე­მი­ე­რის მე­თა­უ­რო­ბით. დიდი მად­ლო­ბა, ბა­ტო­ნო პრე­მი­ე­რო, რა­საც სპორ­ტის­თვის აკე­თებთ", - ასე მი­მარ­თა მატ­ჩის ბო­ლოს, გა­მო­სამ­შვი­დო­ბელ სი­ტყვა­ში გი­ორ­გი შერ­მა­დინ­მა ირაკ­ლი კო­ბა­ხი­ძეს, რა­საც გულ­შე­მატ­კივ­რე­ბის ნაწილის მხრი­დან სტვე­ნა და უარ­ყო­ფი­თი რე­აქ­ცია მოჰ­ყვა.

ამას გიორგი შერმადინის მეუღლე სოციალურ ქსელში გამოეხმაურა:

"მადლობა უფალს ყველაფრისათვის

ჩვენი ოჯახის სახელით მინდა მადლობა გადაგიხადოთ ყველას, ვინც გაიზიარეთ გიორგის ემოცია ეროვნული ნაკრების დატოვების გამო. ვისაც უნდა დანახვა, ყველა დაინახავს გიორგის თავდადებას და მონდომებას ხშირად საკუთარი ჯანმრთელობის ხარჯზე.

მადლობა იმათაც, ვინც სალანძღავი სიტყვები არ დაიშურა, დამერწმუნეთ არც ამ ადამიანების მიმართ გვაქვს ბრაზი, გიორგის ყველა გულშემატკივარი ერთნაირად უყვარხართ! ყველანი ერთნაირად ძვირფასნი ხართ მისთვის! მხოლოდ სიკეთეს და სულიერ სიმშვიდეს გისურვებთ.

მადლობა უფალს რომ მადლიერების და დათმენის უნარი მოგვცა. მაინც ,,სიყვარული ატრიალებს დედამიწას” და ყველას ურთიერთ სიყვარულს და პატივისცემას გისურვებთ!" - წერს ანი ამაშუკელი.

ირაკლი კობახიძისთვის გადახდილი მადლობის გამო, გიორგი შერმადინის სიტყვით გამოსვლას გულშემატკივრის სტვენა მოჰყვა - კალათბურთელი სანაკრებო კარიერას ასრულებს (ვიდეო)