მილიონერ მიხეილ ხუბუტიას შეყვარებულზე ნაჯახით თავდასხმისთვის განაჩენი გამოუტანეს - სკანდალური საქმის მოულოდნელი დასასრული
ამ წლის გაზაფხულზე დაწყებული სკანდალი დასასრულს მიუახლოვდა. ბიზნესმენმა, მოსკოვის ოლქის ვაჭრობის ყოფილმა მინისტრმა, მიხეილ ხუბუტიამ, რომელიც „ცნობილი გახდა“ თავისი შვილის დედაზე, იულია ვანზე, ნაჯახით თავდასხმით, დანაშაულისთვის ერთწლიანი პირობითი სასჯელი მიიღო. 29 წლის ვანმა ამის შესახებ სოციალურ ქსელში განაცხადა.
იულია ვანმა, რომელიც იძულებული გახდა, ხუბუტიას მუქარის გამო ქალიშვილთან ერთად საზღვარგარეთ გაქცეულიყო, სასამართლო პროცესი დაასრულა. „სასამართლო პროცესი დღეს გაიმართა! მათ სასჯელი გამოუტანეს - ერთწლიანი პირობითი მსჯავრი! იმედი მაქვს, ამ კაცმა გააცნობიერა თავისი შეცდომა და გულწრფელად მოინანია!“ - წერს ის.
ხუბუტიამ კი აღნიშნა, რომ ეს მისთვის „ყველაზე ჯოჯოხეთური და რთული წელი“ იყო. მას აღარ სურს ამ საკითხზე საუბარი და აპირებს, რომ ეს „ცუდი სიზმარივით“ დაივიწყოს.
იულია ვანი ქალიშვილთან ერთად
ონლაინ მომხმარებლები თვლიან, რომ ეს სასჯელი მკვლელობის მცდელობისთვის არასაკმარისია. „ოჯახები და ქალები რუსეთში წარმატებით არიან დაცულნი. გოგოებო, გააჩინეთ მეტი შვილი მიხეილ ხუბუტიასგან; მას იარაღის დიდი კოლექცია აქვს“, „ნაჯახით დაედევნეთ ქალებს!“ - ეს რუსული სასამართლოს პირდაპირი რჩევაა. ეს „ხუმრობა“ მიხეილ ხუბუტიას მხოლოდ ერთი წელი პირობითი სასჯელი დაუჯდა", „შესაძლებლობების ქვეყანა!“ - წერენ ინტერნეტში.
შეგახსენებთ, აპრილში იულია ვანმა საჯაროდ დაადანაშაულა 59 წლის მიხეილ ხუბუტია მკვლელობის მცდელობაში. მან განაცხადა, რომ ყოფილი მინისტრი ღამით ნაჯახით შეიჭრა მის სახლში, თავში ჩაარტყა და ფეხებზეც ჰქონდა ნაჯახის კვალი. იმ დროს მათ საერთო ქალიშვილს, ნიკოლს, მეზობელ ოთახში ეძინა.