"თუ ირანის ხელისუფლება ჩემს წინააღმდეგ მკვლელობის მუქარას გააგრძელებს, მაშინ ეს ქვეყანა აღიგვება პირისაგან მიწისა" - დონალდ ტრამპი
აშშ-ის პრეზიდენტის დონალდ ტრამპის განცხადებით, თუ ირანის ხელისუფლება მის წინააღმდეგ მკვლელობის მუქარას გააგრძელებს, მაშინ „ირანი აღიგვება პირისაგან მიწისა“.
„თუ რაღაც მოხდება, მაშინ მთელი ქვეყანა აფეთქდება. მათ ძალიან ძლიერად დავარტყამთ“, - განაცხადა აშშ-ის პრეზიდენტმა NewsNation-თან ინტერვიუში.
დონალდ ტრამპმა აღნიშნა, რომ ირანის მხრიდან მუქარის გაგრძელების შემთხვევაში მას აშშ-ის მოქმედებისთვის „ძალიან მკაცრი მითითებები“ აქვს გაცემული.
ასევე, ტრამპმა აშშ-ის ყოფილი პრეზიდენტი, ჯო ბაიდენი გააკრიტიკა და განაცხადა, რომ მას ირანის მუქარაზე ძლიერი პასუხი უნდა გაეცა.
"ინტერპრესნიუსი"