მიხეილ სააკაშვილი 7 ნოემბრის საქმის სასამართლოს ესწრება
თბილისის საქალაქო სასამართლოში 7 ნოემბრის საქმეზე მესამე პრეზიდენტის, მიხეილ სააკაშვილის სასამართლო პროცესი მიმდინარეობს. სასამართლო სხდომას ესწრება თავად ბრალდებული ყოფილი პრეზიდენტი, მიხეილ სააკაშვილი.
დღევანდელ პროცესზე მოწმეები დაიკითხებიან.
შეგახსენებთ, სახელმწიფო ბრალდება მიხეილ სააკაშვილს 2007 წლის 7 ნოემბერს, მომიტინგეთა მასობრივად დარბევას, ტელეკომპანია „იმედში“ შეჭრასა და ბადრი პატარკაციშვილის კუთვნილი ქონების დანაშაულებრივად ხელში ჩაგდებას ედავება.
"ინტერპრესნიუსი"