"ირაკლი ღარიბაშვილი პოლიტპატიმარია" - ზურა გირჩი ჯაფარიძე
ჩემი გულწრფელი აზრით, ღარიბაშვილი არის პოლიტიკური პატიმარი - ცხადია, მას დანაშაული აქვს ჩადენილი და დარწმუნებული ვარ, ბევრად მეტი ფული აქვს მოპარული, ვიდრე ჩვენ იმ სეიფში ვნახეთ, მაგრამ ის არის დაკავებული პოლიტიკური მოტივებით, - ამის შესახებ „კოალიცია ცვლილებისთვის“ ერთ-ერთმა ლიდერმა, ზურა გირჩი ჯაფარიძემ ჟურნალისტებთან განაცხადა.
მისივე თქმით, ირაკლი ღარიბაშვილი შეწყალება ბიძინა ივანიშვილზეა დამოკიდებული და ამას მიხეილ ყაველაშვილი არ წყვეტს.
„ჩემი გულწრფელი აზრი არის, რომ ღარიბაშვილი, როგორც ბევრი სხვა ადამიანი ამ ქვეყანაში, არის პოლიტიკური პატიმარი. ეს არ ნიშნავს, რომ მე არ მგონია, მას კრიმინალი და დანაშაული არ ჩაუდენია. ცხადია, მას დანაშაული აქვს ჩადენილი და დარწმუნებული ვარ, ბევრად მეტი ფული აქვს მოპარული, ვიდრე ჩვენ ვნახეთ იმ სეიფში. გაცილებით მეტი აქვს მოპარული, მაგრამ ის არის დაკავებული პოლიტიკური მოტივებით და ამიტომ ის არის პოლიტიკური პატიმარი, ისევე როგორც ნებისმიერი სხვა პოლიტიკური პატიმარი ჩემთვის. შეიწყალებს თუ არა არ ვიცი, არა მგონია, ბიძინა ივანიშვილზეა დამოკიდებული. ყაველაშვილი მაგას არ წყვეტს, ისევე როგორც არ წყვეტს არაფერს საერთოდ,“ - განაცხადა ჯაფარიძემ.
"ინტერპრესნიუსი"