ილონ მასკი დიდ სკანდალში ეხვევა - მულტიმილიარდერი პროკურატურამ დაკითხვაზე დაიბარა
პარიზში სოციალური პლატფორმა X-ის ოფისებში ჩხრეკა ჩატარდა. პროკურატურამ ილონ მასკი დაკითხვაზე დაიბარა, - ინფორმაციას Reuters-ი ავრცელებს.
პარიზის პროკურატურის განცხადებით, ჩხრეკა 2025 წლის იანვარში დაწყებული გამოძიების ნაწილია და იგი სოციალური პლატფორმა X-ის მიერ ალგორითმების ბოროტად გამოყენებასა და მონაცემების თაღლითურად მოპოვებას ეხება.
ასევე, პროკურატურაში აღნიშნეს, რომ გამოძიება X-ის ხელოვნური ინტელექტის მქონე ჩატ-ბოტ Grok-ის ფუნქციონირებასთან დაკავშირებულ საჩივრებსაც მოიცავს, რაც მისი გამოყენებით სოციალურ პლატფორმაზე სექსუალური ხასიათის სურათების შექმნასა და ფლობას უკავშირდება.
"ინტერპრესნიუსი"