საქართველოს ნაკრების ყოფილი ფეხბურთელი, ბექა გოცირიძე გარდაიცვალა - რას წერს მეგობარზე მიშა მესხი?
საქართველოს ნაკრების ყოფილი ფეხბურთელი, ბექა გოცირიძე გარდაიცვალა. ინფორმაციას სოციალურ ქსელში მიშა მესხი ავრცელებს. ამ დროისთვის გარდაცვალების მიზეზი უცნობია.
"ეჰ ბექა, კიდევ ერთი მაგარი ძმა დავკარგე," - წერს მიშა მესხი.
ინფორმაციას ადასტურებს ზურა ხაჩიძეც.
“სიცოცხლით სავსე ქართველი კაცი და ძმა დავკარგეთ ყველამ! როდემდე უნდა გაგრძელდეს ეს ყველაფერი?!
ბექა, სიზმარში მგონია თავი 2 დღის წინ არ გელაპარაკე,“ - წერს მომღერალი.
უცნობია ბექა გოცირიძის გარდაცვალების მიზეზი.
ის 2005 წლიდან 2009 წლამდე საქართველოს ეროვნული ნაკრების სხვადასხვა ასაკობრივ გუნდში, თავდამსხმელის პოზიციაზე თამაშობდა. ბოლო დროს “ქართულ ოცნებას“ აქტიურად უჭერდა მხარს.