ხარკოვში რუსულმა დრონმა ქალი და 10 წლის ბიჭი მოკლა
უკრაინის ხარკოვის ოლქში რუსეთის მიერ დრონებით განხორციელებული დარტყმის შედეგად ქალი და ბავშვი დაიღუპნენ, - ინფორმაციას უკრაინული მედია ავრცელებს.
მათივე ინფორმაციით, თავდასხმის შედეგად არიან დაშავებულებიც.
უკრაინის საგანგებო სიტუაციების სახელმწიფო სამსახურის ცნობით, ოკუპანტებმა ქალაქ ბოგოდუხოვში კერძო სექტორს დრონებით შეუტიეს. ერთ-ერთი საცხოვრებელი შენობა მთლიანად განადგურდა.
„ნანგრევებიდან ორი დაღუპულის, ქალის და 10 წლის ბიჭის ცხედარი ამოიყვანეს. კიდევ სამი ადამიანი დაშავდა“, - ნათქვამია საგანგებო სიტუაციების სამსახურის განცხადებაში.
"ინტერპრესნიუსი"