მოსკოვის რკინიგზის სადგურზე აფეთქება მოხდა - დაიღუპა 2 ადამიანი
რუსეთის დედაქალაქ მოსკოვში, საველოვსკის რკინიგზის სადგურზე წუხელ აფეთქება მოხდა, დაიღუპა ორი ადამიანი, ორი კი დაშავდა, - ინფორმაციას რუსული მედია ავრცელებს.
შინაგან საქმეთა სამინისტროს ცნობით, დაახლოებით ღამის 00:05 საათზე უცნობი პირი საპატრულო მანქანაში მყოფ პატრულის თანამშრომლებს მიუახლოვდა, რის შემდეგაც ასაფეთქებელი მოწყობილობა აფეთქდა.
დაიღუპნენ საგზაო პოლიციის თანამშრომელი და ეჭვმიტანილი. კიდევ ორი პოლიციელი დაშავდა და საავადმყოფოში გადაიყვანეს.
"ინტერპრესნიუსი"