"თქვით რომ ოქროს მოწმის სახით ვარო და ვის მხარეს ხართ ოქროს მოწმე?“ - რა უპასუხა "ევროპროდუქტის“ დირექტორმა წილოსანის ამ შეკითხვას?
"თქვენ თქვით ოქროს მოწმის სახით ვარო და ვის მხარეს ხართ ოქროს მოწმე, რაც გისმენთ, არც დისტრიბუტორები და არც ქსელები სცოდავენო“ - ასე მიმართა დეპუტატმა ნინო წილოსანმა "ევროპროდუქტის“ დირექტორს, გიორგი (გოგა) თავდიშვილს პარლამენტის ფასების შემსწავლელ კომისიაზე.
"თქვენ თქვით ოქროს მოწმის სახით ვარო და ვის მხარეს ხართ ოქროს მოწმე, რაც გისმენთ, არც დისტრიბუტორები და არც ქსელები სცოდავენო, თითქოს, აქ ტყუილად ვართ დაკავებული ამ საკითხით... თქვენი გადმოსახედიდან გვითხარით სად არის თქვენი სოციალური პასუხისმგებლობა ისეთ მნიშვნელოვან პროდუქტებზე, როგორიცაა: პირველადი მოხმარების პროდუქტები, რძე, პური და ა.შ“, - მიმართა ნინო წილოსანმა "ევროპროდუქტის“ დირექტორს.
საპასუხოდ გიორგი თავდიშვილმა განაცხადა, რომ "ევროპროდუქტის“ რეალიზაციაში პირველადი მოხმარების პროდუქტებს არ უჭირავს იმხელა წილი, რომ მოგებაზე მნიშვნელოვანი გავლენა მოახდინოს.
"მე არ მითქვამს არ დისტრიბუტორი არ სცოდავს და არც ქსელი. ჩვენ ვახორციელებთ განსაკუთრებულად მაღალი ხარისხის პროდუქციის იმპორტს. მოკლე ანალიზი რომ გავაკეთოთ, რატომ არის ძვირი ეს პროდუქტი დღეს - დაახლოებით 1.60 ევრო ღირდა ევროპიდან 1 კგ. კარაქი, დღეს მწარმოებლისგან ასაღები ფასი არის 9 ევრო, საუბარია დაახლოებით 15-წლიან ვადაში და არც კი განიხილავენ ნებისმიერ საუბარს რაიმე ფასდაკლებაზე, რადგან სურსათის სერიოზული დეფიციტია და ამ სერიოზულ ბრენდებს აქვს საოცარი რეალიზაცია.
რაც შეეხება ჩვენს მოგებას, განსხვავებით სხვა ქსელებისგან, 50%-ზე მეტი ჩვენი მაღაზიებისა გვეკუთვნით ჩვენ და ხარჯებში ნაჩვენები არ არის საიჯარო ქირა და სხვა მომენტები, რაც ამცირებს სხვა ქსელების შემთხვევაში მოგებას, ეს უქმნის სხვებს ილუზიას, რომ ჩვენ ძალიან მაღალი მოგებით ვმუშაობთ. ჩვენ არ ვყიდით პირველადი მოხმარების იმ პაკეტს, რომელიც გინდა თუ არა, წარმოადგენს ჩვენთვის მაფორმირებელს. თავის ფასშიც რომ გავყიდოთ წიწიბურა და მსგავსი პროდუქტები, ის ჩვენთვის მაინც არ არის მდგენელი. ზეთზე როცაა საუბარი, არ შეიძლება ის ზეთირომელიც ჩვენთან იყიდება, დააყენო ამ კონკურენციაში, იმიტომ რომ, სულ სხვა საფასო კატეგორიაშია. ჩვენთან ის ზეთი არ იყიდება, რაც კონკურენტებთან. ჩვენ ისე გვიყურებენ, როგორც ბურჟუაზიას და ჩვენთან არც კი შემოდის შეშინებული მომხმარებელი“, - აღნიშნა გიორგი (გოგა) თავდიშვილმა.