ტრაგედია გურჯაანში - 30 წლის ქალი, სავარაუდოდ, ბადრიჯნის კონსერვით მოიწამლა და დაიღუპა
გურჯაანის მუნიციპალიტეტში, 30 წლის ქალი, სავარაუდოდ, კონსერვირებული პროდუქტის მიღების შედეგად გარდაიცვალა.
სოფელ კარდენახის მცხოვრებლების ინფორმაციით, ქალმა სახლში დამზადებული ბადრიჯნის კონსერვი ჭამა. მათივე თქმით, პროდუქტის მიღების შემდეგ ის შეუძლოდ გახდა და სასწრაფო დახმარების ჯგუფი გამოიძახეს.
მედიკოსებმა ის გურჯაანის საავადმყოფოში გადაიყვანეს, თუმცა მისი გადარჩენა ვერ შეძლეს.
"ინტერპრესნიუსი"