"დღეს პროკურატურას საპროცესო შეთანხმებასთან დაკავშირებით მივმართავ" - ჯუანშერ ბურჭულაძე
დღეს საპროცესო შეთანხმებასთან დაკავშირებით მივმართავ პროკურატურას,- ამის შესახებ თავდაცვის ყოფილმა მინისტრმა, ჯუანშერ ბურჭულაძემ სასამართლო პროცესზე განაცხადა.
ეს განცხადება ჯუანშერ ბურჭულაძემ მაშინ გააკეთა, როდესაც დაცვის მხარე მოსამართლესთან შემდეგ სასამართლო სხდომის დეტალებზე საუბრობდა, სადაც დაცვის მხარეს თავად ბრალდებული ჯუანშერ ბურჭულაძის გამოკითხვა სურდა.
ბურჭულაძის თქმით, დღეს საპროცესო შეთანხმებასთან დაკავშირებით მიმართავენ პროკურატურას და ხვალინდელი ჩანიშნული პროცესის გაუქმებას მოითხოვენ.
დავის მხარის თქმით, თავად ერთ სხდომაში დაასრულებს მტკიცებულებათა გამოკვლევას.
ცნობისთვის, თავდაცვის ყოფილ მინისტრს, ჯუანშერ ბურჭულაძეს ბრალდება სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით და 332-ე მუხლის მეორე ნაწილით წარედგინა, რაც სამსახურებრივი უფლებამოსილების ბოროტად გამოყენებასა და უკანონო შემოსავლის ლეგალიზაციას გულისხმობს. აღნიშნული ქმედება სასჯელის სახედ და ზომად 9-დან 12- წლამდე თავისუფლების აღკვეთას ითვალისწინებს.
"ინტერპრესნიუსი"